Äleumettık jelıde tegın palauǧa talasqan jūrttyŋ videosy keŋ tarap, qyzu talqyǧa tüstı. Būl turaly "Adyrna" ūlttyq portaly jazady.
Nauryz meiramyna orai respublika qalalarynda kiız üiler tıgılıp, mol dastarhan jaiyldy.
Alaida tegın taratylǧan tamaqtyŋ arty dau-janjalǧa ūlasyp, tıptı ūrys-töbeleske äkeldı. Kiız üige kıruge asyqqan halyq aiǧai-şu şyǧaryp, bır-bırın taptap ötuge deiın bardy.
Jelı qoldanuşylary qazaqstandyqtardyŋ ersı qylyǧyn qataŋ synǧa alyp jatyr.
«Ūiat-ai, özderın körıp ūialmai ma eken? Ne körındı sonşa? Myna türımızben damu qaida bızge! Mıne, osyndailardan şyǧady jymǧyrtatyn jemqorlar, tük körmegen tegınge qūmarlar», «Tegın tektılıgıŋdı būzady deidın edı Äjem», "Elınde soǧys bolyp, aş jürgen Siriia halqy da būlai talaspaidy ǧoi", "Qazaǧym qara qazannyŋ qadırın ūmytqandai ǧoi", "Adamdardyŋ nietı jaman bolyp bara jatyr. Şükırşılık joq, täubege kelıŋder", "Ne jabaiylyq, ar-namys qaida? Qasietten jūrdai bolyp bara jatyrmyz", "Qūldyq sanadan qaşan arylamyz qazaǧym?", - dep jazdy olar.
"Adyrna" ūlttyq portaly
