AQŞ astanasy Vaşingtonda ornalasqan Kennedi atyndaǧy oryndauşylyq öner ortalyǧynyŋ atauy özgertılıp, endı Tramp–Kennedi ortalyǧy dep atalatyn boldy. Būl jönınde Aq üi mälımdedı, dep habarlaidy "Adyrna".
Ortalyqtyŋ direktorlar keŋesı ataudy özgertu turaly şeşımdı bırauyzdan qabyldaǧan. Aq üidıŋ baspasöz hatşysy Kerolain Livitt X äleumettık jelısındegı jazbasynda direktorlar keŋesı soŋǧy bır jylda prezident Donald Tramptyŋ ǧimaratty «saqtap qalu jolynda atqarǧan auqymdy jūmysyn» atap ötkenın mälımdedı.
Kennedi atyndaǧy oryndauşylyq öner ortalyǧy 1971 jyly salynǧan jäne osy uaqytqa deiın AQŞ-tyŋ 35-prezidentı Djon Fisdjerald Kennedidıŋ esımımen atalyp kelgen. Nysan eldıŋ mädeni ömırındegı maŋyzdy ortalyqtardyŋ bırı sanalady.
Beisenbı künı Doǧal keŋsede söilegen sözınde Donald Tramp būl şeşımge taŋǧalǧanyn aityp, rizaşylyǧyn bıldırdı. Aita keteiık, osy aidyŋ basynda ol ortalyqtyŋ jyl saiynǧy marapattau räsımı kezınde ataudy özgertu mümkındıgın äzıl retınde meŋzegen bolatyn.
BBC deregınşe, qyzmetıne kırıskennen keiın köp ūzamai Donald Tramp ortalyqtyŋ direktorlar keŋesınıŋ barlyq būrynǧy müşesın qyzmetten bosatyp, olardyŋ ornyna özıne jaqyn saiasi odaqtastaryn taǧaiyndaǧan. Keiın jaŋartylǧan qūram Trampty keŋes töraǧasy etıp sailaǧan.
Direktorlar keŋesınıŋ töraǧasy bolyp prezidenttıŋ keŋesşısı ärı arnaiy tapsyrmalar jönındegı ökılı Richard Grenell taǧaiyndaldy. Qazırgı taŋda keŋes qūramynda AQŞ-tyŋ bas prokurory Pem Bondi, Aq üi apparatynyŋ basşysy Siuzi Uailz, ekınşı hanym Uşa Vens, sondai-aq Tramp äkımşılıgınıŋ özge de joǧary lauazymdy tūlǧalary men saiasi serıktesterı bar.
Sonymen qatar prezidenttıŋ bastamasymen Kongress ortalyqty kürdelı jöndeuden ötkızu jäne özge de şyǧyndar üşın şamamen 257 million dollar bölgen. Jaqynda būl nysanda futboldan älem chempionatynyŋ jerebe tartu räsımı de ötken.
"Bız ony saqtap qaldyq. Ol öte naşar jaǧdaida edı", - dedı Donald Tramp ortalyq turaly pıkır bıldırıp
