Tramp Qytaiǧa salynatyn baj salyǧyn 145 paiyzǧa deiın köterdı

1443
Adyrna.kz Telegram
https://adyrna.kz/content/uploads/2020/04/tramp-960x500.jpg?token=cb86032a8aa6f614ff34fce0fb21c181

AQŞ prezidentı Donald Tramp Qytaidan äkelınetın tauarlarǧa salynatyn importtyq baj salyǧyn būryn aitylǧannan da köbırek arttyrdy. 10 säuır künı Aq üi tüsındırgendei, aldyŋǧy künı jariialanǧan 125 paiyzdyq baj salyǧyna nauryzda engızılgen 20 paiyz da qosylady. Osylaişa, Qytai üşın jalpy tarif kölemı 145 paiyzdy qūraidy. Būl turaly Batys aqparat agenttıkterı jariialady, dep habarlaidy “Adyrna” ūlttyq portaly.

Tramp būl salyqty Pekinnıŋ fentanil esırtkısınıŋ zaŋsyz saudasyna bailanysty äreketsızdıgımen tüsındırdı. Sondai-aq, ol Qytaidy "älemdık naryqqa jetkılıktı qūrmet körsetpei otyr" dep aiyptady.

Būǧan deiın Qytai tarapynan AQŞ tauarlaryna salynatyn baj salyǧy ekı esege, iaǧni 20 paiyzǧa köterılgennen keiın, Pekin amerikalyq önımderge tariftı 34 paiyzdan 84 paiyzǧa deiın arttyratynyn mälımdegen bolatyn.

Soŋǧy aptalarda Donald Tramp AQŞ-qa Euroodaqtan jäne basqa elderden äkelınetın türlı tauarlarǧa bırneşe sauda bajdaryn engızdı. 9 säuır künı AQŞ prezidentı köptegen elderge kedendık baj salyǧyn engızudı 90 künge keiınge qaldyrǧanymen, būl şeşım Qytaiǧa qoldanylmady. Kerısınşe, QHR üşın 125 paiyzdyq tarif jariialandy.

Pıkırler