موپەدىنە قازاقستان مەن ۋكراينانىڭ تۋىن ىلگەن بلوگەرگە Mary Kay Kazakhstan باسشىسى "سوعىس قالاماساڭ، رەسەيدىڭ دە بايراعىن قوس" دەپ شۇيلىككەن. بۇل تۋرالى جۋرناليست كۇلتەگىن اسپانۇلى ءوزىنىڭ فەيسبۋك پاراقشاسىندا حابارلادى، دەپ جازادى "ادىرنا" ۇلتتىق پورتالى.
"موپەدىنە قازاقستان مەن ۋكراينانىڭ تۋىن قاتار جەلبىرەتىپ جۇرگەن بلوگەر نۇرالي ايتەلەنوۆكە MARY KAY Kazakhstan باسشىسى كونستانتين كۋلينيچ جولدا ارنايى توقتاپ شۇيلىگىپتى. سونداعى ءۋاجى – «سوعىس قالاماساڭ، رەسەيدىڭ بايراعىن دا ءۇشىنشى ەتىپ قوس» دەيدى. اگرەسسور مەملەكەتتىڭ ءراشيسزمىن بۇلداپ، قوقان لوقى كورسەتكەن شوۆينيست كونستانتين كۋلينيچتىڭ MARY KAY KZ كومپانياسى 8 جىلدا قازاقستاننان 833 ملرد تابىس تاپقان. وعان ۆيدەوداعى دەرەكتەر دالەل. كەرەك بولسا، ءار قازاق تاعدىرلاس-تىلەۋلەس حالقىنىڭ تۋىن كويلەگىنە باستىرىپ كيسىن. كرەمل دە، ماقتاباستار وعان كيلىكپەسىن", - دەپ جازدى جۋرناليست.
"ادىرنا" ۇلتتىق پورتالى
