مولدوۆا پرەزيدەنتى مايا ساندۋ ەلدىڭ مەملەكەتتىك ءتىلىن «مولداۆان تىلىنەن» «رۋمىن تىلىنە» وزگەرتۋ تۋرالى جارلىققا قول قويدى. بۇعان دەيىن اتاۋدى وزگەرتۋ تۋرالى زاڭ جوباسىن پارلامەنت ماقۇلداعان بولاتىن، دەپ حابارلايدى «ادىرنا» ءتىلشىسى.
مەملەكەت باسشىسىنىڭ ايتۋىنشا، رۋمىن ءتىلى ەلدى ەۋروپا وداعىمەن ينتەگراتسيالاۋعا كومەكتەسەدى.
«رۋمىن ءتىلى وسىندا تۇراتىن جانە وسى جەردى جاقسى كورەتىندەردىڭ بارلىعىن بىرىكتىرگەنىن قالايمىن. ءبىز بۇكىل الەم بويىنشا 27 ميلليوننان استام اداممەن بىرگە ەۋروپالىق وداقتىڭ رەسمي تىلدەرىنىڭ ءبىرى رۋمىن تىلىندە سويلەيمىز. ونداعان جىل بويى مولدوۆا ازاماتتارى رۋمىن تىلىندە ەمەس، «مولداۆان» تىلىندە سويلەيدى دەپ كەلگەندەر ءبىر عانا نارسەنى كوزدەدى. ول — ءبىزدى بولشەكتەۋ. ۇلتتى ءبىر-بىرىنەن بولگەن سوڭ، ونى باعىندىرۋ، باسقارۋ وڭايىراق. ەكىگە بولگىسى كەلگەندەر لينگۆيستيكانى ويلاعان جوق، ولار مولدوۆا حالقىن داۋلاستىرۋدى ماقسات ەتتى»،— دەدى پرەزيدەنت.
