جانار-جاعارمايدىڭ جاساندى تاپشىلىعىن بولدىرماۋ ءۇشىن تەكسەرۋ جۇرگىزىلەدى

2400
Adyrna.kz Telegram
https://adyrna.kz/content/uploads/2023/04/ddc9cb87-72cb-464e-bedb-6b3ef01d64f3.jpeg
پرەمەر-ءمينيستردىڭ ءبىرىنشى ورىنباسارى رومان سكلياردىڭ توراعالىعىمەن جانار-جاعارماي نارىعىنداعى احۋالعا قاتىستى كەڭەس ءوتتى، دەپ حابارلايدى «ادىرنا» ءتىلشىسى. جيىندا وڭىرلىك شتابتارعا جانار-جاعارمايدىڭ جاساندى تاپشىلىعىن بولدىرماۋ ءۇشىن مۇناي بازالارىنا تەكسەرۋ جۇمىستارى جۇرگىزىلەتىنى ايتىلدى. مينيسترلىكتىڭ مالىمەتىنشە، ەل بويىنشا ديزەل وتىنىنىڭ جيىنتىق قورى 308,56 مىڭ توننانى قۇرايدى. بۇل وتكەن جىلعى قورمەن سالىستىرعاندا 59 مىڭ تونناعا ارتىق.
«بۇدان بولەك، كەيبىر وڭىردە جەكەلەگەن جانارماي قۇيۋ ستانتسيالارىندا ديزەل وتىنىن ساتۋدا شەكتەۋلەر بايقالادى. وسىعان بايلانىستى ىشكى نارىقتا جاساندى تاپشىلىقتى بولدىرماۋ ماقساتىندا وڭىرلىك شتابتارعا مۇناي بازالارىنا كوميسسيالىق تەكسەرۋ جۇرگىزۋ تاپسىرىلدى»،—دەپ ءتۇسىندىردى ۆەدومستۆونىڭ ءباسپاسوز قىزمەتى.
سونداي-اق ەنەرگەتيكا مينيسترلىگى زاڭبۇزۋشىلىق فاكتىلەرى بولعان جاعدايدا ءتيىستى مەملەكەتتىك ورگاندارعا نارىق سۋبەكتىلەرىنىڭ باسەكەلەستىككە قارسى نەمەسە دومينانتتى ارەكەتتەرى بويىنشا تەرگەۋ جۇرگىزىلەتىنىن اتاپ ءوتتى.
پىكىرلەر