Premer-ministrdıŋ bırınşı orynbasary Roman Skliardyŋ töraǧalyǧymen janar-jaǧarmai naryǧyndaǧy ahualǧa qatysty keŋes öttı, dep habarlaidy «Adyrna» tılşısı.
Jiynda öŋırlık ştabtarǧa janar-jaǧarmaidyŋ jasandy tapşylyǧyn boldyrmau üşın mūnai bazalaryna tekseru jūmystary jürgızıletını aityldy.
Ministrlıktıŋ mälımetınşe, el boiynşa dizel otynynyŋ jiyntyq qory 308,56 myŋ tonnany qūraidy. Būl ötken jylǧy qormen salystyrǧanda 59 myŋ tonnaǧa artyq.
«Būdan bölek, keibır öŋırde jekelegen janarmai qūiu stansiialarynda dizel otynyn satuda şekteuler baiqalady. Osyǧan bailanysty ışkı naryqta jasandy tapşylyqty boldyrmau maqsatynda öŋırlık ştabtarǧa mūnai bazalaryna komissiialyq tekseru jürgızu tapsyryldy»,—dep tüsındırdı vedomstvonyŋ baspasöz qyzmetı.Sondai-aq Energetika ministrlıgı zaŋbūzuşylyq faktılerı bolǧan jaǧdaida tiıstı memlekettık organdarǧa naryq subektılerınıŋ bäsekelestıkke qarsy nemese dominantty äreketterı boiynşa tergeu jürgızıletının atap öttı.
