Aqtöbede sot ekı jergılıktı tūrǧyndy jäne Şymkent qalasynyŋ bır tūrǧynyn radioaktivtı urandy satqany üşın bas bostandyǧynan aiyru jazasyna kestı. Būl turaly «Diapazon» basylymy jazdy, dep habarlaidy “Adyrna”.
Qylmystyq ıs materialdaryna säikes, Özbekstan azamaty zaŋsyz jolmen salmaǧy 958,7 gramm bolatyn azaitylǧan urandy satyp alǧan. Keiın ol Şymkentte tūratyn tanysy Rudolfqa radioaktivtı zatty satu mümkındıgı bar ekenın aitqan. Al Rudolf būl turaly öz kezegınde Aqtöbe qalasynyŋ tūrǧyndary Qonysbai men Erkınge jetkızgen. Olar öz ortalarynda urandy satyp alatyn adamdardy ızdei bastaǧan.
Qyrküiek aiynda Özbekstan azamaty azaitylǧan urandy Rudolfqa bergen, al ol tauardy Erkın men Qonysbaiǧa tapsyrǧan. Olar urandy Chevrolet Tracker avtokölıgınıŋ jük salǧyşynda Şymkentten Aqtöbege alyp kelgen.
Būl jaǧdai turaly ŪQK-ge mälım bolyp, arnaiy qyzmet ıstı baqylauǧa alyp, jalǧan satyp aluşyny ıske qosqan. Oǧan 500 myŋ dollardan säl asatyn somadaǧy aqşa berılgen. Osy «satyp aluşy» uran satuşylarymen qala syrtyndaǧy orman alqabynda kezdesken.
ŪQK jürgızgen arnaiy operasiia nätijesınde Şymkent tūrǧyny men ekı aqtöbelık ūstaldy. Tärkılengen zat saraptamaǧa jıberılıp, onyŋ radioaktivtı zattan jasalǧany jäne uran ekenı anyqtaldy. Sotta üş adam da öz kınälaryn moiyndady.
Sot ükımımen uran satqany üşın ekı aqtöbelık ekı jylǧa bas bostandyǧynan aiyryldy. Al Şymkentten kelgen sybailasy būryn sottalǧandyqtan, alty aiǧa ūzaq merzımge sottaldy. Sot şeşımıne säikes, uran joiylatyn boldy.
