پاۆلوداردا اكىم مەكتەپ وقۋشىسىنا ەشكى سىيلادى

2029
Adyrna.kz Telegram

پاۆلوداردا تەرەڭكول اۋىلىنىڭ اكىمى كوركەم ادەبيەت وقۋ سايىسىندا جەڭىسكە جەتكەن 5-سىنىپ وقۋشىسىنا ەشكى سىيلادى. بۇل بايقاۋعا مەكتەپ وقۋشىسىنان باستاپ زەينەتكەرلەرگە دەيىن قاتىسقان دەپ حابارلايدى pavlodarnews.kz سايتى

كرەاتيۆتى يدەيالارىمەن تانىلعان تەرەڭكول اۋىلىنىڭ اكىمى اجدار ءجۇسىپوۆ بايقاۋدىڭ ەكى تىلدە وتكىزىلگەنىن ايتتى.
"سايىستى قازاق جانە ورىس تىلىندە كوركەم ادەبيەتتى جانى سۇيەتىن ادامداردىڭ اراسىندا وتكىزدىك. جاستار، مەكتەپ وقۋشىلارى، زەينەتكەرلەر دە قاتىستى. باستى سىيلىق- ءتىرى ەشكىنى ورتا مەكتەپتىڭ 5-سىنىپ وقۋشىسى ولەگ ايتباەۆ يەلەندى. جەتكىنشەك وتكەن جىلى 125 كىتاپ وقىعان. ال قالعان كاتەگورياداعى قاتىسۋشىلار دەمەۋشىلەردەن ازىق-تۇلىك جيناعىن الدى", - دەدى اجدار ءجۇسىپوۆ.

ايتا كەتەيىك، وسىعان دەيىن جاڭاشىل اكىم باسقا دا ناۋقاندارىمەن ەل نازارىنا ىلىككەن. ماسەلەن، ول اۋىلداعى ەڭ ادەمى اۋلا يەلەرىنە اتەش سىيلاعان. ال ماسلەنيتسا مەيرامىنا ول كونديتەرلەرگە ۇلكەن تورت ءپىسىرتىپ، اۋىل تۇرعىندارىنا تەگىن تاراتقان.

فوتو: اجدار ءجۇسىپوۆ/ pavlodarnews.kz

وسى ۋاقىتقا دەيىن اۋىلداعى تالانتتى جاندار ءتىرى ەشكى، قوزى، تورايلارعا يە بولىپتى. ال 9 مامىردا اكىم ۇلى وتان سوعىسى ارداگەرلەرىنىڭ جۇبايلارىن-اجەلەردە قىزىل ليمۋزينمەن قىدىرتقان.

ء"بىز تەرەڭكول اۋىلىن اۋىل تۇرعىندارى ءۇشىن تازا ءارى قىزىقتى ەتەمىز", - دەدى اۋىل اكىمى.

پىكىرلەر