22-30 ءساۋىر ارالىعىندا استانادا شاحماتتان قازاقستان كۋبوگىنىڭ ءبىرىنشى كەزەڭى ءوتتى. قازاقستاندىق شاحماتشى الديار انسات جەڭىمپاز اتاندى، دەپ مالىمدەدى قازاقستان شاحمات فەدەراتسياسى.
"تارتىستى وتكەن ويىن بارىسىندا تۋرنيردەگى جەڭىس 15 جاستاعى قازاقستاندىق شاحماتشى الديار اڭساتقا (FIDE رەيتينگى – 2317) بۇيىردى. باسەكەدە جاس شاحماتشى كۋبوكقا قاتىسقان بىرقاتار اتاقتى گروسسمەيستەرلەردى جەڭە ءبىلدى. تۋرنير بارىسىندا ول 7,5 ۇپاي جينادى", - دەپ مالىمدەدى شاحمات فەدەراتسياسىنىڭ ءباسپاسوز قىزمەتى.
ەكىنشى ورىندى ارمەنيانىڭ شاحماتشىسى شانت سارگسيان يەلەنسە، ءۇشىنشى ورىن ۋكراينالىق الەكساندر مويسەەنكوعا بۇيىردى.
"ايەلدەر اراسىندا ءبىرىنشى ورىندى ەكى اپتا بۇرىن قازاقستان رەسپۋبليكاسىنىڭ ايەلدەر قۇراماسىنىڭ الەم ايەلدەر قۇراماسىنا قارسى وتكەن تۋرنيرىندە ءوزىن جارقىن تانىتقان الماتىلىق ايەلدەر اراسىنداعى حالىقارالىق شەبەر الۋا نۇرمانوۆا يەلەندى. ەكىنشى ورىن شىمكەنتتىك اياۋلىم قالداروۆاعا بۇيىرسا، ءۇشىنشى ورىنعا استانالىق ءامينا قايىربەكوۆا تۇراقتادى", - دەپ سۇيىنشىلەردى فەدەراتسيانىڭ ءباسپاسوز قىزمەتى.
ورايى كەلگەندە ايتا كەتەيىك، اڭسات بۇدان بۇرىن استانادا وتكەن تۋرنيردە حالىقارالىق دارەجەدەگى گروسسمەيستەرلەردى جەڭىپ، چەمپيون اتانعان-تۇعىن.
"ادىرنا" ۇلتتىق پورتالى
