ۇلىتاۋ وبلىسىندا «وتباسىلىق فەرما» جوباسى ازىرلەنۋدە. ەشبىر وڭىردە بولماعان باستاما وڭىردەگى شارۋاشىلىقتاردى بىرىكتىرۋ ارقىلى جۇزەگە اسىرىلماق.
جوبا اياسىندا 6 000 باس اسىل تۇقىمدى ءىرى قارا جانە 12 900 باس اسىل تۇقىمدى قوي ساتىپ الىنادى، 2 000 باس جىلقى كۇتىپ باعىلماق.
جوبانىڭ ينفراقۇرىلىمىن دامىتۋعا وبلىستىق بيۋدجەتتەن 1,2 ملرد تەڭگە ءبولىندى. قاراجات شوپاندارعا تۇرعىن ءۇي سالۋ، مال ۇستاۋعا ارنالعان قورا-جايلار تۇرعىزۋ، سۋمەن جانە ەلەكتر ەنەرگياسىمەن قامتاماسىز ەتۋگە باعىتتالعان. سونداي-اق جوبادا مالدى بورداقىلاۋ، سويۋ تسەحى، بيە ءسۇتىن وڭدەۋ، ۆاكۋمدالعان ەت ونىمدەرىن شىعارۋ سياقتى تولىق وندىرىستىك تسيكل كوزدەلگەن: جوبانى جۇزەگە اسىرۋعا وبلىستىڭ 6 اۋىلدىق وكرۋگى، 100-گە جۋىق ۋاقىتشا جانە 22 تۇراقتى جۇمىسشى، 34 شارۋا قوجالىعى جانە 2 اۋىل شارۋاشىلىعى وندىرىستىك كووپەراتيۆى قاتىسادى.
نەگىزگى ماقساتتارىنىڭ ءبىرى — وڭىردە اشىلىپ جاتقان بورداقىلاۋ الاڭدارىن مالمەن تۇراقتى جانە ۋاقتىلى قامتاماسىز ەتۋ، ازىق-تۇلىك قاۋىپسىزدىگىن قامتاماسىز ەتۋدە ەداۋىر سەپتىگىن تيگىزۋ، ىشكى نارىقتى قۇنارلى مال ازىعىمەن قامتاماسىز ەتۋ جانە بەرىك جەمشوپ قورىن قالىپتاستىرۋ، قوي باسى سانىنىڭ ۇلعايۋىنا جانە يمپورت تاۋەلدىلىگىنىڭ ازايۋىنا وڭ اسەرىن تيگىزۋ، ءىرى جانە ۇساق شارۋالاردى بىرىكتىرۋ ارقىلى باسەكەگە قابىلەتتى ورتا قالىپتاستىرۋ.
اتالعان جوبالار مال شارۋاشىلىعى سالاسىنىڭ دامۋىنا، مال باس سانىنىڭ وسۋىنە جانە ونى تەرەڭ وڭدەۋگە ارنالعان كاسىپورىنداردى شيكىزاتپەن قامتاماسىز ەتۋگە وڭ اسەرىن تيگىزەدى.
