بۇگىن«تازا قازاقستان» ەكولوگيالىق اكتسياسى اياسىندا ۇلىتاۋ وڭىرىندە جالپىوبلىستىق اعاش وتىرعىزۋ اكتسياسى ءوتتى.
بۇگىنگى تازالىق شاراسىندا ءوڭىردى كوگالداندىرۋعا باسىمدىق بەرىلىپ، «بۇكىلقازاقستاندىق اعاش ەگۋ كۇنى» رەتىندە ۇيىمداستىرىلدى. اكتسيا بارىسىندا وبلىس اۋماعىندا 3000-نان اسا اعاش كوشەتى وتىرعىزىلدى. بۇل باستاما ءوڭىردىڭ ەكولوگيالىق جاعدايىن جاقسارتۋعا، تابيعاتتى قورعاۋعا جانە جاسىل جەلەكتەر سانىن ارتتىرۋعا باعىتتالعان.
كوشەتتەردى مەملەكەتتىك ورگاندار مەن مەكەمەلەردىڭ وكىلدەرى، ءماسليحات دەپۋتاتتارى، قوعامدىق كەڭەس مۇشەلەرى، قازاقستان حالقى اسسامبلەياسىنىڭ وكىلدەرى مەن جاستار وتىرعىزدى. ناتيجەسىندە جەزقازعان قالاسى «ناۋرىز» ساياباعىنداعى اللەيا جاڭا كوشەتتەرمەن تولىقتى.
سونداي-اق وبلىسقا قاراستى بارلىق ەلدى مەكەندە تال ەگۋ مەن تازالىق جۇمىستارى ۇيىمداستىرىلدى. اكتسياعا 5500 ادام مەن 1085 ۇجىم قاتىستى.
ايتا كەتەيىك، مەملەكەت باسشىسىنىڭ باستاماسىمەن جۇزەگە اسىپ جاتقان «تازا قازاقستان» اكتسياسى - ەكولوگيالىق مادەنيەتتى دامىتۋدىڭ 2024–2029 جىلدارعا ارنالعان تۇجىرىمداماسىنىڭ بولىگى.
باستامانىڭ نەگىزگى ماقساتى – قوعامنىڭ ەكولوگيالىق مادەنيەتىن ارتتىرۋ، تابيعاتقا ۇقىپتى قاراۋ يدەياسىن كەڭىنەن ناسيحاتتاۋ.
ۇيىمداستىرۋشىلار مەن قاتىسۋشىلار بۇل شارانىڭ قورشاعان ورتانى قورعاۋ مادەنيەتىن قالىپتاستىرۋدا جانە جاس ۇرپاققا ەكولوگيالىق تاربيە بەرۋدە ماڭىزى زور ەكەنىن اتاپ ءوتتى.
