«ينتەرنەت-كومپانيا PS» جشس حوستينگ كومپانياسىنىڭ حابارلاۋىنشا، 2 مامىر كۇنى ساعات 17.50-دە DamuBala اقپاراتتىق جۇيەسىنىڭ سەرۆەرلەرىنىڭ ءبىر بولىگى ورنالاسقان دەرەكتەردى وڭدەۋ ورتالىعىندا ەلەكترمەن جابدىقتاۋ اپاتتى جاعدايدا وشىرىلگەن. اپاتتىڭ سالدارىنان بۇل باعدارلاماعا قولجەتكىزۋ مۇمكىن بولمادى.
قازىر كومپانيا يەسى سەرۆەرلىك ۋچاسكەدەگى اپاتتى جويىپ، جۇيەنىڭ جۇمىسىن قالپىنا كەلتىردى. كەزەككە قويۋ 3 مامىردا ساعات 18.00-دە نقا سايكەس قايتا ىسكە قوسىلادى.
بۇدان باسقا، اپات سەرۆەرلەردىڭ ءبىر بولىگىن عانا وشىرگەنىن ەسكەرە وتىرىپ، DDoS شابۋىلىنىڭ نۇسقاسى الىنىپ تاستالمايدى، وسى نۇسقا بويىنشا تەرگەۋ جۇرگىزىلەدى. اتالعان سەرۆەردىڭ ىستەن شىعۋى جانە سەرۆەرلىك ارحيتەكتۋرانىڭ تۇتاستىعىنىڭ بۇزىلۋى جۇكتەمەنى بىركەلكى بولۋگە مۇمكىندىك بەرمەدى، ول 2 مامىردا ساعات 18.00-دە كەزەكتىڭ اشىلۋىمەن ماكسيمالدى ماندەرگە جەتتى. جۇكتەمەنىڭ كۇرت ءوسۋى كەزەككە قويىلىمنىڭ اشىلۋىمەن ءبىر ۋاقىتتا ۇيىمداستىرىلعان DDoS شابۋىلىنا بايلانىستى بولۋى مۇمكىن. ىقتيمال شابۋىل فاكتىسى بويىنشا تەرگەۋدى قۇقىق قورعاۋ ورگاندارى ستاندارتتى حاتتاماعا سايكەس جۇرگىزەدى.
انىقتاما: اقپاراتتىق قاۋىپسىزدىكتى سىناۋ بارىسىندا جۇيەنىڭ تۇراقتىلىعىنا قاتىستى پروبلەمالار تۋىنداعان جوق، تەك اپات كەزىندە جۇكتەمەلەردى بىرنەشە ەسە ارتىپ كەتكەن. بۇل فاكت قازاقستان رەسپۋبليكاسى تسيفرلىق دامۋ جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتى بەرگەن 03.02.2023 جىلعى №kz36vqq00072827 سىناق اكتىسىمەن، «اقپاراتتاندىرۋ تۋرالى» قازاقستان رەسپۋبليكاسى زاڭىنىڭ 7-1-بابىنىڭ 11-1) تارماقشاسى نەگىزىندە 26.01.2023 جىلعى وتىنىممەن راستالدى.
پوسموترەت ەتۋ پۋبليكاتسيۋ ۆ Instagram
