وتىنىشتەر 31 مامىرعا دەيىن قابىلدانادى.
الماتى قالاسىنىڭ اكىمدىگى «الماتى جاستارى» باعدارلاماسى اياسىندا باسپانا ساتىپ الۋ ءۇشىن جەڭىلدەتىلگەن تۇرعىن ءۇي نەسيەسىن الۋعا 35 جاسقا دەيىنگىلەردى قوسا العاندا، جاستاردان وتىنىشتەر مەن قۇجاتتاردى قابىلداۋدىڭ باستالعانىن مالىمدەدى، دەپ جازادى "ادىرنا".
باعدارلاماعا قاتىسۋعا ءوتىنىمدى almaty-zhastary.kz سايتى ارقىلى بەرۋگە بولادى. سايتتاعى اۆتوريزاتسيا ەلەكتروندىق تسيفرلىق قولتاڭبا (ەتسق) ارقىلى وتەدى.
«ەسكە سالايىق، الماتى اكىمى ەربولات دوساەۆتىڭ تاپسىرماسى بويىنشا باعدارلاما اياسىندا جاس مۇعالىمدەر مەن دارىگەرلەرگە قوسىمشا قاراجات ءبولىنىپ، ليميت تاعى 100 نەسيەگە ۇلعايتىلدى: مۇعالىمدەرگە - 50, دارىگەرلەرگە - 50»، - دەپ حابارلادى الماتى اكىمدىگىنىڭ ءباسپاسوز قىزمەتى. .باعدارلامانى نەسيەلەندىرۋ شارتتارى:
- نەسيەنىڭ ەڭ جوعارى سوماسى – 18 ميلليون تەڭگەگە دەيىن;
- سىياقى مولشەرلەمەسى – 5%;
- باستاپقى جارنا – 10%;
- باستاپقى جانە قايتالاما تۇرعىن ءۇي الۋ مۇمكىندىگى;
- قامتۋ – كەمىندە 1100 ادام.
