سولتۇستىك قازاقستان وبلىسى اققايىڭ اۋدانى كيالى اۋىلدىق وكرۋگىنىڭ بارىكول اۋىلىنىڭ ماڭىنداعى «شاعلىتەڭگىز» كولىنىڭ جاعاسىندا جابايى قۇستاردى (قازداردى) رۇقسات قۇجاتتارىنسىز، زاڭسىز اۋلاعانى ءۇشىن پەتروپاۆل قالاسىنىڭ 4 تۇرعىنى ۇستالدى، ونىڭ ىشىندە پوليتسيا قىزمەتكەرى دە بار، دەپ حابارلايدى «ادىرنا» ءتىلشىسى.
«اتالعان ازاماتتاردان جانە پوليتسيا قىزمەتكەرىنەن زاڭسىز اۋلانعان جابايى قونىس اۋداراتىن قازداردىڭ 31 ۇشاسى، 2 بىرلىك موتورلى قايىق، 3 بىرلىك 12 كاليبرلى تەگىس ۇڭعىلى مىلتىق تاركىلەندى. 31 جابايى قازدى زاڭسىز اتۋ ناتيجەسىندە مەملەكەتكە كەلتىرىلگەن زالال 800 000 (الدىن الا ەسەپتەۋ بويىنشا) تەڭگەنى قۇرادى»،—دەپ ءتۇسىندىردى ەكولوگيا مينيسترلىگى.
قازىرگى ۋاقىتتا وقيعا ورنىن تەكسەرىپ، تەرگەۋ ءىس-شارالارى جۇرگىزىلىپ جاتىر.
