قازاقستاندىق تەننيسشى ەلەنا رىباكينا الەمنىڭ ۇزدىك تەننيسشىلەرى رەيتينگىندە التىنشى ورىنعا كوتەرىلدى، - دەپ حابارلايدى "ادىرنا" پورتالى Vesti.kz سايتىنا سىلتەمە جاساپ.
ايەلدەر تەننيس قاۋىمداستىعى (WTA) جەكە جانە جۇپتىق سىندا الەمنىڭ ۇزدىك تەننيسشىلەرىنىڭ رەيتينگىن جاڭارتتى. قازاقستاننىڭ ءبىرىنشى راكەتكاسى ەلەنا رىباكينا جەكە رەكورد ورناتتى - الەمدىك رەيتينگتە 6-ورىندا تۇر. بۇعان دەيىن ونىڭ ەڭ جاقسى جەتىستىگى جەتىنشى ورىن بولاتىن.
ءبىرىنشى ورىندا پولياك تەننيسشىسى يگا شۆەنتەك، ەكىنشى ورىندا بەلورۋسيالىق ارينا سوبولەنكو، ءۇشىنشى ورىندا امەريكالىق دجەسسيكا پەگۋلا تۇر.
قازاقستاندىق يۋليا پۋتينتسەۆا رەيتينگتىڭ 51-ءشى قاتارىن ساقتاپ قالدى.
جۇپتىق سايىستا ەلەنا رىباكينا 95-ورىننان 82-ءشى ورىنعا كوتەرىلسە، قازاقستاندىق اننا دانيلينا 27-دەن 26-عا كوتەرىلدى.
"ادىرنا" ۇلتتىق پورتالى
