تەننيسشى رىباكينا “رولان گارروس” ءتۋرنيرى الدىنداعى ءباسپاسوز ءماسليحاتىندا تەننيسشىلەردىڭ بويكوت ماسەلەسىنە قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
بۇعان دەيىن باق-تا ويىنشىلار “ۇلكەن دۋلىعا” تۋرنيرلەرىندەگى جۇلدە قورىنىڭ بولىنۋىنە نارازىلىق رەتىندە “رولان گارروس” ۇيىمداستىرۋشىلارىنا قىسىم كورسەتۋ ءۇشىن ءباسپاسوز ءماسليحاتتارىنا بويكوت جاريالاۋى مۇمكىن ەكەنى حابارلانعان ەدى. تەننيسشىلەر ويىنشىلارعا بەرىلەتىن تابىس ۇلەسىن 15 پايىزدان 22 پايىزعا دەيىن ارتتىرۋدى تالاپ ەتۋدە.
پاريجدە وتەتىن فرانتسيا اشىق چەمپيوناتى قارساڭىندا جۋرناليستەر رىباكينادان وسى بويكوتقا قوسىلا ما دەپ سۇرادى.
“مەن ءباسپاسوز ءماسليحاتىنا قاتىسىپ وتىرمىن، سەبەبى بۇل — مىندەتتەمە. بىراق بۇل ماسەلەدە مەن ويىنشىلار جاعىندامىن. بارلىق تەننيسشىنى قولدايمىن”، — دەدى ەلەنا رىباكينا.
قازاقستاندىق تەننيسشى “رولان گارروستى” 25 مامىر كۇنى باستايدى. ونىڭ العاشقى قارسىلاسى — الەمنىڭ 85-راكەتكاسى، سلوۆەنيالىق ۆەرونيكا ەرياۆەتس.
ايتا كەتەيىك، بيىل فرانتسيا اشىق چەمپيوناتىنىڭ جالپى جۇلدە قورى شامامەن 10 پايىزعا ءوسىپ، 61,7 ميلليون ەۋروعا جەتتى. جەكەلەي سىنداعى چەمپيوندار 2,8 ميلليون ەۋرو، ال فيناليستەر 1,4 ميلليون ەۋرو الادى.
