رەجەپ تايىپ ەردوعان، كەمەل قىلىشتارۇلى جانە سينان وعان داۋىس بەرگەن بولىمشەلەردەگى ناتيجەلەر ايشىقتالدى. بۇل جايلى "ادىرنا" ۇلتتىق پورتالىنىڭ تۇركياداعى مەنشىكتى ءتىلشىسى حابارلايدى.
تۇركيانىڭ قازىرگى باسشىسى رەجەپ تايىپ ەردوعان داۋىس بەرگەن ۇسكىدار ساففەت ورتا مەكتەبى، №3279-ساندىقتاعى داۋىستار سانى ەسەپتەلدى. ەڭ جوعارى داۋىس جيناعان - ەردوعان. وعان 212, كەمەل قىلىشتارۇلىنا 132, سينان وعانعا بولسا، 12 داۋىس بەرۋشى سەنىم ارتقانى انىقتالدى.
ساياساتكەر كەمەل قىلىشتارۇلى داۋىس بەرگەن ارجانتين باستاۋىش سىنىپ مەكتەبىندەگى №4221 ساندىق تا اشىلدى. ناتيجەسىندە، 229 داۋىسپەن قىلىشتارۇلى كوش باستادى. ەردوعاندى قولداعاندار سانى - 90, ال سينان وعان ەسىمىنىڭ تۇسىنا 6 ادام قول قويعان.
ساياساتكەر سينان وعان قوجاتەپە ميمار كەمال انادولى مەكتەبىندە داۋىس بەردى. بيۋللەتەندەر توپتاستىرىلعان ساندىقتىڭ ءنومىرى - 1276. داۋىستاردى ساناۋ بارىسىندا، قىلىشتارۇلى 278 داۋىسپەن العا شىقتى. رەجەپ تايىپ ەردوعان - 36, Cينان وعان - 14.
قازىر ىستامبۇل مەن انكاراداعى اشىلعان ساندىقتارداعى ناتيجەلەر دە جاريالانىپ جاتىر. قولدا بار دەرەكتەر تومەندەگىدەي:
ىستامبۇلداعى سايلاۋ ناتيجەلەرى:
اشىلعان ساندىقتار: 43,4%
رەجەپ تايىپ ەردوعان: 47,48%
كەمەل قىلىشتارۇلى: 47,58%
سينان وعان: 4,53%
انكاراداعى سايلاۋ ناتيجەلەرى:
اشىلعان ساندىقتار: 41,74%
رەجەپ تايىپ ەردوعان: 50,11%
كەمەل قىلىشتارۇلى: 42,73%
سينان وگان: 6.70%
"ادىرنا" ۇلتتىق پورتالى
