اقتوبەدە تەگىن دونەر الۋعا جينالعان جاستار ءبىرىن-ءبىرى تاپتاپ كەتە جازدادى

3066
Adyrna.kz Telegram
https://adyrna.kz/content/uploads/2023/05/kak-sdelat-doner-doma.png
اقتوبەدە جاڭا اشىلعان ءدامحانا ەسەبىنەن تەگىن دونەرىن الۋعا جينالعان جۇرتتىڭ قۇلقىنى جەلى قولدانۋشىلارىنىڭ جاعاسىن ۇستاتتى. كادرلاردان ولاردىڭ "تەگىن" دۇنيەنىڭ جولىندا ءبىرىن-ءبىرى تاپتاپ كەتۋگە دايىن تۇرعانىن بايقاۋعا بولادى، دەپ حابارلايدى "ادىرنا" ۇلتتىق پورتالى. 
"مەكەمەنىڭ كىرەبەرىسىنە ونداعان كامەلەتكە تولماعان بالا مەن جاسوسپىرىمدەر جينالدى. كادردان بالالاردىڭ كەزەكتە قالاي قىسىلىپ تۇرعانىن كورۋگە بولادى", - دەپ جازدى ۆيدەو اۆتورى.
جاستاردىڭ ءنومىرىن ۆيدەودان كورگەن تالعات ەسىمدى جەلى قولدانۋشىسى:
- اقتوبەدە تەگىن  دونەرگەگە جينالعان جاستار. «مالىم - جانىمنىڭ ساداقاسى، جانىم - ارىمنىڭ ساداقاسى!»، - دەپ اتام قازاق سۇيەككە جەتكىزىپ ايتىپ كەتكەن ەدى. ءبىر كۇندىك تاماق ءۇشىن ار مەن نامىستى جيىپ قويعانداردىڭ ءىسى ۇيات، - دەپ جاستاردىڭ ارەكەتىن سىنعا الدى.
بۇل جاعداي توڭىرەگىندە جەلى قولدانۋشىلارىنىڭ پىكىرى ەكىگە جارىلدى، ءبىرى قولداسا، ءبىرى دۇرسە قويا بەردى:
- وسىنى جاريا جاساعان ادام جاۋاپقا تارتىلسىن! نە ماسقارا! جاستار جازىم بولۋى مۇمكىن. - بىزدە تەگىن بەرۋگە بولمايدى. -50% دەسە دە بولاتىن ەدى عوي. تاعى دا قازاق حالقى ماسقارا بولدى. - ستۋدەنتتەر اش، ولاردى وقۋ ورىندارىندا ىستىق تاماقپەن قامتاماسىز ەتۋ كەرەك. - قىزدارعا نە جوق؟
پوليتسەيلەر شارانى ۇيىمداستىرۋشىلار قر اقبتك-ءنىڭ 505-بابى بويىنشا اكىمشىلىك جاۋاپكەرشىلىككە تارتىلعانىن ايتتى.

"ادىرنا" ۇلتتىق پورتالى

پىكىرلەر