ەلەنا رىباكينا ريمدە الەمنىڭ ءبىرىنشى راكەتكاسىن جەڭدى

7158
Adyrna.kz Telegram

قازاقستاندىق تەننيسشى ەلەنا رىباكينا ريمدە ءوتىپ جاتقان Internazionali BNL d'Italia تۋرنيرىندە الەمنىڭ ءبىرىنشى راكەتكاسى يگا شۆەنتەكتى جەڭدى، دەپ حابارلايدى “ادىرنا” ۇلتتىق پورتالى.

ءتۋرنيردىڭ ¼ فينالىندا وتانداسىمىز پولشالىق يگا شۆەنتەككە قارسى ويىن وتكىزدى. 

ماتچتىڭ العاشقى سەتىندە شۆەنتەك 6:2 ەسەبىمەن باسىم تۇسكەن. دەگەنمەن رىباكينا ەكىنشى سەتتى 7:6 ەسەبىمەن جەڭدى. ال ءۇشىنشى سەتتە ەسەپ 2:2 بولعان. الايدا الەمنىڭ ءبىرىنشى راكەتكاسى جاراقاتىنا بايلانىستى ويىندى جالعاستىرۋدان باس تارتتى. ماتچ 2 ساعات 22 مينۋتقا سوزىلدى. 

جەڭىسىنە قاتىستى پىكىر بىلدىرگەن ەلەنا رىباكينا ماتچتىڭ قيىنعا سوققانىن ايتتى. 

"بۇل ماتچتان كوپ نارسە كۇتپەدىم. ال ەكىنشى سەتتە وڭ جاقتاعى سوققىلاردى جاقسى سەزىنىپ، جاقسى قوزعالا باستاعانىم ءۇشىن قۋانىشتىمىن. سوندىقتان ناتيجدەگە قاراماستان جاقسى وينادىم دەپ ويلايمىن. تاعى ءبىر ماتچ وتكىزەتىنىم ءۇشىن قۋانىشتىمىن", – دەدى ول. 

جارىستىڭ جۇلدە قورى 3,5 ميلليون ەۋرو. جەڭىمپاز 521 مىڭ ەۋرو مەن 1000 رەيتينگتىك ۇپاي الادى. 

فينالعا جولداما الۋ ءۇشىن ەلەنا رىباكينا لاتۆيالىق ەلەنا وستاپەنكوعا قارسى ويىن وتكىزەدى. 

پىكىرلەر