قبف بوكسشى ايدا ساتىبالدينوۆانىڭ ايەلدەر قۇراماسىنداعى ءداستۇرلى ەمەس جىنىستىق باعىت تۋرالى ايتقان سوزىنە قاتىستى پىكىر ءبىلدىردى. بۇل تۋرالى قبف ءباسپاسوز حاتشىسى ايان تولەگەن Vesti.kz تىلشىسىنە بەرگەن سۇحباتىندا ايتتى، - دەپ حابارلايدى “ادىرنا” ۇلتتىق پورتالى.
ايدا ساتىبالدينوۆا بىرنەشە كۇن بويى ءوز ينستاگرام پاراقشاسىندا شۋلى جازبالار قالدىرىپ ءجۇر.
"ايدا ساتىبالدينوۆانىڭ قازاقستان ايەلدەر قۇراماسىندا ءداستۇرلى ەمەس جىنىستىق باعىت ۇستانعان بوكسشىلار بار دەگەن مالىمدەمەسىنە قاتىستى. بىرىنشىدەن، فەدەراتسيانىڭ باسشىلىعى اۋىسقاننان بەرى بۇل ماسەلە بويىنشا ەشكىم جۇگىنگەن جوق. جاتتىقتىرۋشىلار دا، سپورتشىلار دا.
ەكىنشىدەن، بيىل قيىن جىل: ەرلەر مەن ايەلدەر اراسىنداعى الەم چەمپيوناتى بولادى. قازاقستان چەمپيوناتتارى دا بار. ءدال قازىر ادامدار پىكىرىنە جاۋاپ بەرۋگە ۋاقىت جوق. ونىڭ ۇستىنە ول قازاقستان قۇراماسىندا نە بولىپ جاتقانىن بىلمەيدى. سپورتشىلار مەن جاتتىقتىرۋشىلاردان شاعىم بولعان جوق. ول تۋرالى نە ايتامىز؟ ءبىزدىڭ وعان جاۋاپ بەرەتىن ۋاقىتىمىز جوق. ءارى قاراي جۇمىس ىستەي بەرەمىز", - دەدى قبف ءباسپاسوز قىزمەتى وكىلدەرى.
