قازاقتان شىققان تۇڭعىش وليمپيادا چەمپيونى، اتاقتى باسكەتبولشى ءالجان جارمۇحامەدوۆ ومىردەن ءوتتى. بۇل تۋرالى تسسكا باسكەتبول كلۋبىنىڭ رەسمي سايتى حابارلادى، دەپ جازادى “ادىرنا” ۇلتتىق پورتالى.
"بۇگىن تسسكا مەن ۇلتتىق قۇرامانىڭ تاماشا ويىنشىسى ءالجان جارمۇحامەدوۆ دۇنيەدەن ءوتتى. اتى اڭىزعا اينالعان تۇركىستان جىلانى نەبارى 78 جاستا ەدى", - دەلىنگەن حابارلامادا.
ءالجان جارمۇحامەدوۆ - قازاقتان شىققان تۇڭعىش وليمپيادا چەمپيونى. باسكەتبولدان توعىز دۇركىن كسرو چەمپيونى (1970-1978 جج، 1980 ج.), كسرو قۇراماسىنىڭ ساپىندا ءۇش رەت ەۋروپا چەمپيونى (1967, 1971, 1979 جج.). 1972 جىلعى ميۋنحەن وليمپياداسىنىڭ چەمپيونى اتاندى. مونرەال وليمپياداسىندا دا قولاعا قول جەتكىزدى. 1979 جىلى «كسرو-عا ەڭبەك سىڭىرگەن سپورت شەبەرى» اتاعىنا يە بولدى.
«ادىرنا» ۇلتتىق پورتالى
