وڭىرلىك كوممۋنيكاتسيالار قىزمەتى الاڭىندا بۇگىن بىرنەشە باسقارما باسشىلارى باق وكىلدەرىمەن ءباسپاسوز كونتسەرەنتسياسىن وتكىزدى.
ماسەلەن، بيىل جامبىل وبلىسىندا جول سالاسىنا جالپى 24,7 ملرد.تەڭگە ءبولىنىپ وتىر. ەسەبىنەن 3,3 شاقىرىم كوشە جولدارى قۇرىلىسپەن، 11,4 شاقىرىم قايتا جاڭعىرتۋمەن جانە 777,3 شاقىرىم جول ورتا جوندەۋمەن قامتىلاتىن بولادى. بۇل تۋرالى بريفينگتە جامبىل وبلىسى اكىمدىگىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى مۇرات ساۋرىقوۆ باياندادى.
«بارلىعى 433 جول جوندەۋ جوبالارىن ىسكە اسىرۋ كوزدەلىپ وتىر. ونىڭ ىشىندە:
- «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسىمەن – 33 جوبا نەمەسە 242 شق. (7,2 ملرد.تەڭگە);
- «اۋىل-ەل بەسىگى» جوباسىمەن – 215 جوبا نەمەسە 261 شق. (6,3 ملرد.تەڭگە);
- «وڭىرلەردى دامىتۋ» باعدارلاماسىمەن – 4 جوبا نەمەسە 10,4 شق./ 7,1 شق جاڭعىرتۋ، 3,3 شق قۇرىلىس/ (1,2 ملرد.تەڭگە);
- «مونوقالالاردى دامىتۋ» باعدارلاماسىمەن – 2 جوبا نەمەسە 4,3 شق. (0,4 ملرد.تەڭگە);
- جەرگىلىكتى بيۋدجەتتەردەن – 179 جوبا نەمەسە 274,3 شق. (7,7 ملرد.تەڭگە)
بولىنگەن قارجىلار ىشىندە جالپى 1,9 ملرد.تەڭگە، جول قوزعالىسى قاۋىپسىزدىگىن قامتاماسىز ەتۋ ماقساتىندا، جەرگىلىكتى جولدار مەن ەلدى مەكەن كوشەلەرىن كۇتىپ ۇستاۋ جۇمىستارىنا جۇمسالادى. اتالعان جوبالاردىڭ جۇزەگە اسىرىلۋى – جەرگىلىكتى تۇرعىنداردىڭ كولىكپەن قاتىناۋىن جاقسارتۋمەن قاتار، ءوڭىردىڭ كولىكتىك لوگيستيكاسى ينفراقۇرىلىمىنىڭ دامۋىنا دا وراسان زور ۇلەس قوساتىن بولادى،»- دەدى باسقارما باسشىسى. سونداي-اق، ول كولىك، اۋە سالاسى مەن وڭىردەگى اۆتوبۋستار قوزعالىسىنا قاتىستى اتقارىلعان تىرلىكتەردى بايانداپ، الداعى جوسپارلارىمەن ءبولىستى.
ال، جامبىل وبلىسى اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى عاليجان مەيىرمانوۆتىڭ ايتۋىنشا وتكەن جىلدىڭ قورىتىندىسى نەگىزىندە وبلىستاعى جۇمىسسىزدار سانى – 28,0 مىڭ ادامدى قۇرايدى، ال، جۇمىسسىزدىق دەڭگەيى – 4,9 پايىز.
«كاسىپكەرلىكتى دامىتۋ جونىندەگى ۇلتتىق جوبا اياسىندا 2023 جىلى وبلىس بويىنشا جۇمىسپەن قامتۋدىڭ بەلسەندى شارالارىنا 54 156 ادامدى تارتۋ جوسپارلانىپ، 1-مامىرعا بارلىعى 23 847 ادام بەلسەندى شارالارعا تارتىلدى. جوسپار 44,0 پايىزعا ورىندالدى. سونداي-اق، جۇمىسقا ورنالاستىرۋدىڭ جىلدىق جوسپارى 45 242 ادام بولسا، ەسەپتى كەزەڭگە 16 863 ادام جۇمىسقا ورنالاستىرىلىپ، جوسپار 37,3 پايىزعا ورىندالدى. سونىمەن قاتار، 2023 جىلى جۇمىسپەن قامتۋدىڭ وڭىرلىك كارتالارى اياسىندا ەلەكتروندى ەڭبەك بيرجاسىنا ەنگىزىلەتىن جۇمىس ورىندارىنىڭ جوسپارى 67 968 ورىن بولىپ بەكىتىلسە، ونىڭ ىشىندە تۇراقتىسى – 52 360 ورىندى قۇراپ وتىر (77,0%). ەسەپتى كەزەڭگە بارلىعى 22 321 جۇمىس ورنى قۇرىلىپ، جالپى جوسپار 32,8 پايىزعا ورىندالسا، ونىڭ ىشىندە 12 374 ادام تۇراقتى جۇمىسقا تۇرىپ، جوسپارى 23,6 پايىزعا ورىندالدى. الەۋمەتتىك جۇمىس ورىندارىنا 955 ادامدى جولداۋ جوسپارلانىپ، ەسەپتى مەرزىمگە 978 ادام جولداندى. ولاردىڭ 48-ءى جۇمىستارىن اياقتاپ، 42 ادام نەمەسە 87,5%-ى تۇراقتى جۇمىس ورىندارىنا ورنالاستى. جاستار پراكتيكاسىنا 3044 تۇلەكتى جولداۋ جوسپارلانىپ، ەسەپتى مەرزىمگە 631 ادام جولداندى. ولاردىڭ 69-ى جۇمىستارىن اياقتاپ، 55-ءى نەمەسە 79,7%-ى تۇراقتى جۇمىس ورىندارىنا ورنالاستى. اقىلى قوعامدىق جۇمىستارعا 8765 جۇمىسسىزدى جولداۋ جوسپارلانىپ، ەسەپتى مەرزىمگە 7333 ادام جولداندى. ولاردىڭ 494-ءى جۇمىستارىن اياقتاپ، 232 ادام نەمەسە 47,0%-ى تۇراقتى جۇمىس ورىندارىنا ورنالاستى،» -دەيدى، اتالعان باسقارما باسشىسىنىڭ ورىنباسارى.
ال، وبلىس اكىمدىگىنىڭ جاستار ساياساتى ماسەلەلەرى باسقارماسىنىڭ اتقارعان جۇمىستارىنا كەلەر بولساق، بيىل قر ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنە سايكەس وڭىرىمىزدە انىقتالعان 36 987 (NEET) ۋاقىتشا بوس جۇرگەن جاستىڭ الەۋمەتتىك مارتەبەسىن انىقتاۋ ماقساتىندا، ادرەستىك تالداۋ جۇمىستارى جۇرگىزىلىپ، «وتباسىنىڭ تسيفرلىق كارتاسى» اقپاراتتىق جۇيەسىندە وزەكتەندىرىلگەن.تالداۋ جۇمىستارىنىڭ ناتيجەسىندە ۋاقىتشا بوس جۇرگەن 5 818 جاس انىقتالىپتى.
«2023 جىلدىڭ 1 مامىرىنا جۇمىسپەن قامتۋ مەكەمەلەرىنىڭ ىقپالىمەن 35-جاسقا دەيىنگى 8 988 جاس جۇمىسپەن قامتۋدىڭ بەلسەندى شارالارىنا تارتىلعان.اتاپ ايتقاندا، 3 106 ادام ۆاكانتتىق جۇمىس ورىندارىنا ورنالاسسا، 553 جاس ونلاين وقىتۋعا، 631 تۇلەك جاستار پراكتيكاسىنا، 275 جاس الەۋمەتتىك جۇمىس ورىندارىنا جولدانىپ، 1 836 جاس اقىلى قوعامدىق جۇمىستارعا تارتىلدى،
12 جاس «ۇرپاقتار كەلىسىم شارتى» جوباسىنا، 149 جاس «العاشقى جۇمىس ورنى» جوباسىنا سونداي-اق، 2 335 جاس «باستاۋ-بيزنەس» جوباسىمەن كاسىپكەرلىك نەگىزدەرىنە وقۋعا جولداندى، 91 جاس قايتارىمسىز گرانت الدى.
2023 جىلدىڭ 1 مامىرىنا وبلىس كولەمىندە 80 بوس جۇمىس ورىندارىنىڭ جارمەڭكەلەرى ۇيىمداستىرىلدى. بوس جۇمىس ورىندارىنىڭ جارمەڭكەلەرىندە 520 جۇمىس بەرۋشى مەكەمە قاتىسىپ، 1 474 بوس جۇمىس ورىندارى ۇسىنىلدى. جارمەڭكەگە 2 856 جۇمىسسىز قاتىسقان ونىڭ ىشىندە جاستار سانى - 172, مۇمكىندىگى شەكتەۋلى ادام سانى - 6, قالعان ادامدار جەرگىلىكتى تۇرعىندار.
جارمەڭكە قورىتىندىسىمەن 111 ادام اقىلى قوعامدىق جۇمىستارعا، 168 ادام تۇراقتى جۇمىس ورىندارىنا جولدانسا، 50 تۇلەك «جاستار تاجىريبەسى» باعدارلاماسىنا جولدانعان»،-دەيدى جاستار ساياساتى ماسەلەلەرى باسقارماسىنىڭ باسشىسى زۇلپىحار جومارت دۇيسەنۇلى.
