مۇحتار جاكىشوۆتىڭ جازاسىن وتەۋ مەرزىمى اياقتالدى. بۇل تۋرالى ءوزى الەۋمەتتىك جەلىدەگى پاراقشاسىندا جازدى، دەپ حابارلايدى “ادىرنا” ۇلتتىق پورتالى.
ايتا كەتەيىك، مۇحتار جاكىشوۆ ۋران وندىرەتىن «قازاتومونەركاسىپ» كومپانياسىنىڭ باسشىسى بولىپ قىزمەت اتقارىپ، 2009 جىلى «قىزمەتتىك وكىلەتىن اسىرا پايدالاندى» جانە «مەملەكەتتىك قاراجاتتى جىمقىردى» دەپ ايىپتالىپ, 14 جىلعا باس بوستاندىعىنان ايىرىلدى.
ول جازاسىن وتەۋگە الدىمەن الماتى وبلىسىنداعى زارەچنىي كەنتىندەگى تۇرمەگە جىبەرىلگەن، كەيىن قاراعاندى وبلىسىنىڭ دولينكا كەنتىندەگى قاتاڭ رەجيمدەگى اك-159/6 كولونياسىندا بولدى. 2015 جىلى تۋىستارى، ادۆوكاتى مەن قۇقىق قورعاۋشىلاردىڭ ءوتىنىشىنىڭ ارقاسىندا ول دولينكادان قايتا زارەچنىيعا جىبەرىلگەن. بىراق 2017 جىلى ۇقك-ءنىڭ بۇرىنعى توراعاسى نارتاي دۇتباەۆتىڭ ىسىنە قاتىستى تەرگەۋ ىسىنە قاتىسۋ ءۇشىن استانا قالاسىنىڭ يزولياتورىنا ەتاپپەن جىبەرىلگەن. تەرگەۋ ءىسى اياقتالعان سوڭ مامىر ايىندا دولينكاعا، ال شىلدە ايىنان بەرى سەمەي قالاسىنداعى قاتاڭ رەجيمدەگى كولونيادا جازاسىن وتەدى.
تۇرمەدە ول 15-تەن استام اۋرۋعا شالدىقتى، بوستاندىققا شىققانشا دەنساۋلىعى تىم ناشارلاپ كەتۋى مۇمكىن بولعان. 2019 جىلى قازاقستاننىڭ بىرنەشە قالاسىنداجالعىز ادامدىق پيكەتتەر ءوتتى. بەلسەندىلەر مۇحتار جاكىشەۆتىڭ بوساتىلۋىن تالاپ ەتتى. ولار جاكىشەۆتى ساياسي تۇتقىن دەپ سانايدى.
كەيىن 2020 جىلى ناۋرىزدىڭ 19-ى كۇنى "قازاتومونەركاسىپ" ۇلتتىق كومپانياسىنىڭ بۇرىنعى باسشىسى مۇحتار جاكىشەۆ شارتتى جازامەن بوستاندىققا شىقتى.
مىنە، 2023 جىلى مۇحتار جاكىشوۆتىڭ باس بوستاندىعىنان ايىرىلۋ مەرزىمى اياقتالدى.
