قازاقستاندىقتار جىل سايىن قارجى پيراميدالارىنا ميللياردتتاعان قارجى جۇمسايدى. بۇل تۋرالى پارلامەنت ءماجىلىسىنىڭ دەپۋتاتى ەلنۇر بەيسەنباەۆ ءوزىنىڭ جەلىدەگى پاراقشاسىندا ءبولىستى، دەپ جازادى "ادىرنا".
ستاتيستيكاعا كوز جۇگىرتسەك، جىل سايىن قازاقستاندىقتار ءتۇرلى قارجى پيراميدالارىنا قىرۋار قارجى جۇمسايدى. ماسەلەن:
2018 جىلى – 1,9 ملرد تەڭگە;
2019 جىلى – 1,6 ملرد تەڭگە;
2020 جىلى – 6,2 ملرد تەڭگە;
2021 جىلى – 33,3 ملرد تەڭگە;
2022 جىلى – 8,1 ملرد تەڭگە جۇمسالعان.
دەرەكتەردى ەلنۇر بەيسەنباەۆ الەۋمەتتىك جەلىدە جازدى. سونداي-اق، ول بۇل رەسمي تىركەلگەن دەرەك بويىنشا عانا بار اقپارات ەكەنىن تۇرتە كەتتى. ال ەلىمىزدە الاياقتارعا الدانعانىن ايتۋعا ۇيالاتىن جانداردىڭ جوق ەمەس ەكەندىگىن جازدى.
"بۇل رەتتە بۇكىل جۇمىستى قۇزىرلى ورگانداردىڭ موينىنا ارتىپ قويۋعا بولمايتىنىن تۇسىنەمىز. ەڭ باستىسى – حالىقتىڭ قارجىلىق، قۇقىقتىق ساۋاتىن اشۋىمىز، اقپاراتتىق جۇمىستى كۇشەيتۋىمىز كەرەك. سوندىقتان، ءبىزدىڭ پارتيا «قۇقىقتىق كومەك»، «قارىزسىز قوعام» دەگەن جوبالاردى قولعا العان بولاتىن. وسى جوبالار اياسىندا ءبىزدىڭ ماماندار قاراپايىم حالىققا قاجەتتى كومەكتى – اقىل-كەڭەستىڭ ءبارىن تەگىن بەرەدى" دەپ قوستى ول.
