Qazaqstandyqtar jyl saiyn qarjy piramidalaryna milliardttaǧan qarjy jūmsaidy. Būl turaly Parlament Mäjılısınıŋ deputaty Elnūr Beisenbaev özınıŋ jelıdegı paraqşasynda bölıstı, dep jazady "Adyrna".
Statistikaǧa köz jügırtsek, jyl saiyn qazaqstandyqtar türlı qarjy piramidalaryna qyruar qarjy jūmsaidy. Mäselen:
2018 jyly – 1,9 mlrd teŋge;
2019 jyly – 1,6 mlrd teŋge;
2020 jyly – 6,2 mlrd teŋge;
2021 jyly – 33,3 mlrd teŋge;
2022 jyly – 8,1 mlrd teŋge jūmsalǧan.
Derekterdı Elnūr Beisenbaev äleumettık jelıde jazdy. Sondai-aq, ol būl resmi tırkelgen derek boiynşa ǧana bar aqparat ekenın türte kettı. Al elımızde alaiaqtarǧa aldanǧanyn aituǧa ūialatyn jandardyŋ joq emes ekendıgın jazdy.
"Būl rette bükıl jūmysty qūzyrly organdardyŋ moinyna artyp qoiuǧa bolmaitynyn tüsınemız. Eŋ bastysy – halyqtyŋ qarjylyq, qūqyqtyq sauatyn aşuymyz, aqparattyq jūmysty küşeituımız kerek. Sondyqtan, bızdıŋ partiia «Qūqyqtyq kömek», «Qaryzsyz qoǧam» degen jobalardy qolǧa alǧan bolatyn. Osy jobalar aiasynda bızdıŋ mamandar qarapaiym halyqqa qajettı kömektı – aqyl-keŋestıŋ bärın tegın beredı" dep qosty ol.
