قاراساي اۋدانىندا «بوس جۇمىس ورىندارى جارمەڭكەسى» وتكىزىلدى. جارمەڭكەگە اۋدانداعى 20 ءىرى كاسىپورىن مەن جەكە شارۋاشىلىق سەرىكتەستىكتەرى قاتىسىپ، 60-قا جۋىق بوس جۇمىس ورىندارىن ۇسىندى. اتالعان شاراعا 70 جۇمىسسىز ازامات، 10 مۇگەدەكتىگى بار ازاماتتار، 20 پروباتسيا ەسەبىندە تۇرعان ادام، بارلىعى 100-گە جۋىق جۇمىسسىز ازامات قاتىستى.
سونىمان قاتار، كازپوچتا اكتسيونەرلىك قوعامى، «توو تازالىق»، جەكە كاسىپكەر «OQY TIME»، «ناح» جاۋاپكەرشىلىگى شەكتەۋلى سەرىكتەستىگى، «الساد كازاحستان» جاۋاپكەرشىلىگى شەكتەۋلى سەرىكتەستىگى، «جۇلدىز-2» جاۋاپكەرشىلىگى شەكتەۋلى سەرىكتەستىگى، «RG Brands Kazakhstan» جاۋاپكەرشىلىگى شەكتەۋلى سەرىكتەستىگى سياقتى اۋدانىمىزداعى ەڭ ءىرى جۇمىس بەرۋشى كومپانيانىڭ وكىلدەرى توبە كورسەتتى.
جۇمىس بەرۋشى مەكەمەلەردىڭ وكىلدەرىمەن ەركىن تۇردە سۇحبات جۇرگىزدى. 100 جۇمىسسىز ازامات تۇراقتى جۇمىس ورىندارىنا ورنالاسۋعا نيەتتى ەكەندىگىن ايتىپ، 30 جولداما الدى. ونىڭ 10 ازاماتى جاس ماماندار.
اي سايىن ۇيىمداستىرىلاتىن ءداستۇرلى جارمەڭكە بۇگىندە قاي سالا ماماندارىنا سۇرانىس كوپ نەمەسە تاپشى ەكەندىگىن جانە ەڭبەك ءوتىلىنسىز جۇمىسقا ورنالاسۋعا بولاتىندىعىن انىقتالدى.
جۇمىس بەرۋشى كومپانيانىڭ وكىلدەرى قاتىسقان شارا بارىسىندا كەلۋشىلەرمەن «2021 – 2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباسى» اياسىندا اقپاراتتىق-ءتۇسىندىرۋ جۇمىستارى جۇرگىزىلدى. شاعىن نەسيە جانە گرانت الۋ، سۇرانىسقا يە ماماندىقتار بويىنشا قايتا دايارلاۋ كۋرستارىنان ءوتۋ تۋرالى ماعلۇماتتار بەرىلدى.
