ساياسي قۋعىن-سۇرگىن قۇرباندارىن ەسكە الۋ ءۇشىن بۇگىن الماتىنىڭ ناۋرىزباي اۋدانىندا باسقوسۋ ءوتتى.
تاريحتان تاعىلىم شەرتىپ، ازاپتى جىلداردىڭ اۋىرلىعىن ايتقان اۋدان ارداگەرلەرى «كەيىنگى بۋىن سول قاسىرەتتىڭ ءمانىن ۇعىنسا» دەيدى. ۇنسىزدىك مينۋتىمەن باستالعان ءىس-شاراعا اۋداندىق اكىمدىك وكىلدەرى مەن ءماسليحات دەپۋتاتتارى، جەلتوقسانشىلار مەن رەپرەسسيا قۇرباندارىنىڭ ۇرپاعى قاتىستى.
– ول كىسىنى 1938 جىلى قاماپ، اتىپ جىبەرگەن. سودان كەيىن اكەمىز، قانشاما اعايىندارى تۇرمەگە كەتتى. ۇلكەن اپامىز كۇلاندا مۇڭايتباسقىزى 11 جىل الجير-دە بولدى. مەنىڭ اكەم سەيدوللا حودجانوۆ سول فاميلياسى ءۇشىن 16 جىل تۇرمەگە وتىرىپ كەلدى, – دەيدى س. قوجانوۆتىڭ ۇرپاعى ءارىپ قابىلانوۆ.
