بۇگىن، 18 ناۋرىزدا، مەملەكەت باسشىسى نۇرسۇلتان نازارباەۆ بىرقاتار مەملەكەتكە ەلشىلەردى تاعايىندادى، دەپ حابارلايدى اقوردانىڭ ءباسپاسوز قىزمەتى.
«مەملەكەت باسشىسىنىڭ جارلىعىمەن بەرىك ساقبايۇلى ارىن قازاقستان رەسپۋبليكاسىنىڭ ساۋد ارابياسى كورولدىگىندەگى توتەنشە جانە وكىلەتتى ەلشىسى، قازاقستان رەسپۋبليكاسىنىڭ يسلام ىنتىماقتاستىعى ۇيىمى جانىنداعى تۇراقتى وكىلى قىزمەتىنە;
دارحان امانگەلدىۇلى ساتىبالدى قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە;
اسقار ەرلىكۇلى تاجىباەۆ قازاقستان رەسپۋبليكاسىنىڭ تاجىكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە
بۇرىنعى سىرتقى ىستەر ءمينيسترى قايرات قۇدايبەرگەنۇلى ءابدىراحمانوۆ شۆەتسيا كورولدىگىندەگى توتەنشە جانە وكىلەتتى ەلشىسى قىزمەتىنە،
تاعايىندالدى»، - دەلىنەدى حابارلامادا.
