سىبايلاس جەموقورلىققا قارسى ءىس-قيمىل اگەنتتىگى ەكس-مينيستر، ۇلتتىق مۋزەيدىڭ بۇرىنعى باسشىسى ارىستانبەك مۇحاماديۇلىنا قاتىستى ءىس بويىنشا جالا جابۋ فاكتىسىمەن سوتقا دەيىنگى تەرگەۋدى باستاماقشى، دەپ حابارلايدى «ادىرنا» ءتىلشىسى.
«كەيبىر باق-تا، الەۋمەتتىك جەلىلەردە جانە مەسسەندجەرلەردە بۇرىنعى مادەنيەت جانە سپورت ءمينيسترى ا.مۇحامەديۇلىنا قاتىستى سوت پروتسەسىنەن سىبايلاس جەمقورلىققا قارسى قىزمەت قىزمەتكەرلەرىن «ديپلومات» قوناق ءۇيىن ءۇشىنشى تۇلعالارعا قايتا جازۋعا جانە 111 ملن تەڭگە سوماسىندا زالالدى وتەۋگە ماجبۇرلەۋ تۋرالى اقپارات پەن بەينەروليك تاراتىلدى. بۇل اقپارات شىندىققا سايكەس كەلمەيتىنىن حابارلايمىز. مۇحامەديۇلىنا 221 ملن تەڭگە جىمقىردى دەگەن ايىپ تاعىلىپ، ونىڭ قاتىسى جينالعان دالەلدەمەلەرمەن راستالىپ، ءىس-ارەكەتتەردىڭ بىلىكتىلىگى پروكۋراتۋرا ورگاندارىمەن كەلىسىلدى. ونىڭ ارەكەتتەرىنە قورىتىندى باعانى سوت بەرەدى. سونىمەن قاتار، تەرگەۋ بارىسىندا جاۋاپكەرشىلىكتى جەڭىلدەتۋ ماقساتىندا ول مەملەكەت كىرىسىنە اينالدىرىلعان 111 ملن تەڭگە سوماسىنداعى زالال ءىشىنارا وتەلدى»،—دەپ ءتۇسىندىردى انتيكوردىڭ ءباسپاسوز قىزمەتى.باسقارما «ديپلومات» قوناق ءۇيىن رەيدەرلىك باسىپ الدى دەگەن كۇدىكتى مۇحامەديۇلىنىڭ وزىنە قاتىستى قوسىمشا ەپيزود بويىنشا تەرگەۋ اياقتالعانىن اتاپ ءوتتى.
«وسىعان بايلانىستى، مۇحامەديۇلى سوتتالۋشىلارىنا اتالعان ءمان-جايلار بويىنشا سوت پەن جۇرتشىلىقتى اداستىرۋ جولىمەن جاۋاپكەرشىلىكتەن جالتارۋ ماقساتىندا جالعان اقپارات بەرىلدى. جالا جابۋ فاكتىسى بويىنشا سوتقا دەيىنگى تەرگەۋدى باستاۋ تۋرالى ماسەلە شەشىلۋدە. ازاماتتاردان تەك رەسمي كوزدەردەن الىنعان وبەكتيۆتى دەرەكتەرگە سەنۋدى سۇرايمىز»،—دەدى سىبايلاس جەموقورلىققا قارسى ءىس-قيمىل اگەنتتىگى.
ۇقساس جاڭالىقتار
