ۇلتتىق مۋزەي باسشىلىعىنا قاتىستى قىلمىستىق ءىستى تەرگەپ-تەكسەرۋ جالعاسىپ جاتىر. وسى ورايدا ارىستانبەك مۇحامەديۇلىنىڭ ءباسپاسوز حاتشىسى ايدار قىرىقباي ۇلتتىق مۋزەيدەگى ۇرلىقتىڭ جاڭا ەپيزودىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
«دوستار، مەن الەۋمەتتىك جەلى مەن كەيبىر باق وكىلدەرى تاراتقان اقپارات جالعان ەكەنىن مالىمدەيمىن. ارىستانبەك مۇحامەديۇلى 2017-2018 جىلدارى مۋزەي ديرەكتورى بولماعان»، – دەپ جازدى ايدار قىرىقباي Facebook-تەگى پاراقشاسىندا.قازىر نۇر-Cۇلتان قالاسى بويىنشا Cىبايلاس جەمقورلىققا قارسى قىزمەت ۇلتتىق مۋزەي باسشىلىعىنا جانە وزگە دە تۇلعالارعا قاتىستى سوتقا دەيىنگى تەرگەۋ جۇرگىزىپ جاتىر. كۇدىكتىلەرگە 2017-2018 جىلدارى «اقپاراتتىق رەسۋرستاردا وبەكتىلەردى تانىمال ەتۋ ءۇشىن جالپىۇلتتىق تىزبەگە ەنگىزىلگەن وبەكتىلەردىڭ 3D مودەلىن قۇرۋ» جوباسىن ىسكە اسىرۋ كەزىندە اسا ءىرى مولشەردە بيۋدجەت قاراجاتىن جىمقىردى دەگەن ايىپ تاعىلىپ وتىر.
"ادىرنا" ۇلتتىق پورتالى
