قر دەنساۋلىق ساقتاۋ ءمينيسترى اجار عينيات الماتىدا ءۇش ازامات اۋرۋ جۇقتىرعاننان كەيىن قىزمەتىنەن كەتە مە دەگەن سۇراققا جاۋاپ بەرمەدى، دەپ حابارلايدى “ادىرنا” ۇلتتىق پورتالى.
14 ماۋسىم كۇنى الماتىداعى 12-ءشى قالالىق اۋرۋحانادا ءۇش ازاماتتىڭ ۆيچ ىندەتىن جۇقتىرعانى بەلگىلى بولدى. سەنات وتىرىسىندا جۋرناليستەر مينيستردەن وسى وقيعادان كەيىن وتستاۆكاعا كەتە مە دەپ سۇرادى.
كوميسسيا تاعايىندالدى دەپ ايتامىن، جۇقتىرۋ كوزى مەن جولدارىن انىقتاۋ كەرەك. كىم كىنالى؟ مۇنى ناقتىلامايىنشا، مۇمكىن ەمەس...، - دەدى مينيستر.
ءوزىنىڭ جەكە جاۋاپكەرشىلىگىن سەزىنە مە دەگەن ناقتىلاۋ ساۋالىنا مينيستر «كىم كىنالى ەكەنىن انىقتايمىز» دەپ جاۋاپ بەردى.
دەنساۋلىق ساقتاۋ مينيسترلىگى جۇرگىزىپ جاتقان جۇمىستارعا قاتىستى اجار عينيات وتكەن جىلى قازاقستاندا 4 مىڭ ادام ۆيچ جۇقتىرعانىن، 3,5 مىڭ جاڭا جاعداي تىركەلگەنىن ايتتى.
وسىعان وراي الماتىدان اقپارات ءتۇستى. كوميسسيا جىبەرىلدى. ءبىز اۋرۋحاناىشىلىك ينفەكتسيانى جوققا شىعارعىمىز كەلەدى. تەكسەرۋ اياقتالعاننان كەيىن ءبىز تولىق اقپاراتتى بەرەمىز. ەندى ءبىز تولىق ەپيدەميولوگيالىق تەكسەرۋ جۇرگىزۋىمىز كەرەك، جۇقپانىڭ قاينار كوزىن، جۇعۋ جولىن، اۋرۋحاناىشىلىك ينفەكتسيا بولماعانىن ءتۇسىنۋىمىز كەرەك. وندا مينيسترلىك پەن كوميتەتتەردىڭ ۇزدىك ماماندارى جىبەرىلەدى، - دەدى ول.
ايتا كەتەيىك، 14 ماۋسىمدا الماتىنىڭ ورتالىق قالالىق كلينيكالىق اۋرۋحاناسىندا (تسگكب) ۆيچ ىندەتىن جۇقتىرعان ءۇش ادام انىقتالعانى بەلگىلى بولدى. اتالعان فاكتى بويىنشا قر دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ جانە مەديتسينالىق-فارماتسەۆتيكالىق باقىلاۋ كوميتەتى تەكسەرۋ جۇرگىزىپ جاتىر.
ايتا كەتەيىك، قازاقستاندا العاش رەت جاپپاي ۆيچ ينفەكتسياسى 2006 جىلى ورىن الدى. ودان كەيىن دارىگەرلەردىڭ سالعىرتتىعىنان 220 بالا اۋرۋ جۇقتىرعان. سودان كەيىن دارىگەرلەر بىرنەشە رەت ءبىر رەتتىك ينەلەر مەن فلاكونداردى قولدانعان. ال دونور رەتىندە تۇراقتى تۇرعىلىقتى جەرى جوق ادامدار مەن زاڭسىز كوشىپ كەلگەندەر تارتىلدى.
بۇعان دەيىن دەنساۋلىق ساقتاۋ مينيسترلىگى قازاقستاندا قازىر ۆيچ ىندەتىن جۇقتىرعان 31 مىڭ ازامات ءومىر ءسۇرىپ جاتقانىن حابارلاعان بولاتىن.
