ەلىمىزدە بولىپ جاتقان ساياسي وزگەرىستەر بۇگىنگى رەفورمالاردىڭ تەمىرقازىعىنا اينالۋى كەرەك. بۇل تۋرالى بۇگىن «AMANAT» پارتياسىنان سايلانعان بارلىق دەڭگەيدەگى ءماسليحاتتار دەپۋتاتتارىنىڭ العاشقى رەسپۋبليكالىق فورۋمىندا پارتيا توراعاسى ەرلان قوشانوۆ ايتتى.
ونىڭ سوزىنشە، وسىناۋ رەفورمالار بولاشاقتا ەل دامۋىنىڭ كەپىلى بولادى.
ونىڭ سوزىنشە، وسىناۋ رەفورمالار بولاشاقتا ەل دامۋىنىڭ كەپىلى بولادى.
«وتكەن ءبىر جىلدىڭ ىشىندە بەس بىردەي تاعدىرشەشتى ساياسي ناۋقان وتكىزدىك. ەلدەگى ساياسي وزگەرىستەر بۇگىنگى رەفورمالاردىڭ تەمىرقازىعىنا، بولاشاقتاعى ەل دامۋىنىڭ كەپىلىنە اينالدى. ءبىز وسى جولدان اينىمايمىز»، – دەدى ول.ايتا كەتەيىك، اتالعان فورۋمعا ەلىمىزدەگى ءماسليحاتتاردان 2,5 مىڭ دەپۋتات كەلىپ قاتىستى.
«مۇنداي باسقوسۋلار بيلىك تارماقتارىنىڭ ءوزارا بايلانىسىن نىعايتىپ، ورتاق كونسترۋكتيۆتى شەشىمدەر قابىلداۋعا جول اشادى. بۇگىنگى فورۋمنىڭ باستى ماقساتى – مەملەكەت پەن قوعام الدىندا تۇرعان، حالىقتى تولعاندىرىپ وتىرعان وزەكتى دە وتكىر ماسەلەلەردى بىرلەسىپ، اشىق تالقىلاۋ، ولاردىڭ شەشۋ جولدارىن ىزدەۋ. بۇل – ۋاقىت تالابى»، – دەدى ەرلان قوشانوۆ.
