اتىراۋ وبلىسىنىڭ تۇرعىنى اكەسىن ۇرىپ ءولتىردى دەگەن كۇدىكپەن ۇستالدى، دەپ حابارلايدى «ادىرنا» ءتىلشىسى «Astana TV» ارناسىنا سىلتەمە جاساپ.
وقيعا يندەر اۋدانىنداعى ەسبول اۋىلىندا بولعان. وتباسىلىق جانجال نەدەن تۋىنداعانى ازىرگە بەلگىسىز. قازىر تەرگەۋ ءجۇرىپ جاتىر. بەلگىلىسى 38 جاستاعى كۇدىكتى اتا-اناسىنان بولەك، قالادا تۇرعان. ال مارقۇم زەينەت جاسىنا قارماستان ۆاحتالىق ادىسپەن جۇمىس ىستەپ جۇرگەن. قازىر كۇدىكتى تەرگەۋ يزولياتورىندا.
«يندەر اۋدانىنداعى ادام ولىمىنە قاتىستى قازىرگى تاڭدا قك 106-بابى 3-بولىمىمەن ادامعا قاساقانا دەنە جاراقاتىن سالۋ ناتيجەسىندە ادام ولىمىنە اكەلگەن قىلمىس بويىنشا سوتقا دەيىنگى تەرگەۋ امالدارى جۇرگىزىلۋدە. سوت مەديتسينالىق ساراپتاماسى تاعايىندالدى. قازىرگى تاڭدا كۇدىكتى مەن جابىرلەنۋشىنىڭ ءبىر -بىرىنە تۋىسقاندىق قارىم-قاتىناسى، اكەسى مەن بالاسى بولىپ كەلەتىندىگى انىقتالىپ وتىر»،—دەدى وبلىستىق پد ءباسپاسوز حاتشىسى مەيىرىم ەرداۋلەت.