Atyrau oblysynyŋ tūrǧyny äkesın ūryp öltırdı degen küdıkpen ūstaldy, dep habarlaidy «Adyrna» tılşısı «Astana TV» arnasyna sılteme jasap.
Oqiǧa İnder audanyndaǧy Esbol auylynda bolǧan. Otbasylyq janjal neden tuyndaǧany äzırge belgısız. Qazır tergeu jürıp jatyr. Belgılısı 38 jastaǧy küdıktı ata-anasynan bölek, qalada tūrǧan. Al marqūm zeinet jasyna qarmastan vahtalyq ädıspen jūmys ıstep jürgen. Qazır küdıktı tergeu izoliatorynda.
«İnder audanyndaǧy adam ölımıne qatysty qazırgı taŋda QK 106-baby 3-bölımımen adamǧa qasaqana dene jaraqatyn salu nätijesınde adam ölımıne äkelgen qylmys boiynşa sotqa deiıngı tergeu amaldary jürgızılude. Sot medisinalyq saraptamasy taǧaiyndaldy. Qazırgı taŋda küdıktı men jäbırlenuşınıŋ bır -bırıne tuysqandyq qarym-qatynasy, äkesı men balasy bolyp keletındıgı anyqtalyp otyr»,—dedı oblystyq PD baspasöz hatşysy Meiırım Erdäulet.
