Işkı ıster ministrlıgı jol qozǧalysyna qatysuşylarǧa ündeu jasady, dep habarlaidy «Adyrna» tılşısı.
IIM Täuelsızdık künıne orai bırqatar jürgızuşınıŋ kölıkterın Memlekettık tumen bezendırıp, jolǧa şyqqandaryn atap öttı.
«Qūqyqtyq tūrǧydan memlekettık tudy kölıkke ornalastyrǧany üşın jauapkerşılık qarastyrylmaǧan, bıraq qauıpsızdık talaptary men jol jürısı qaǧidalaryn saqtau mındettı. Bıraq keibır azamat merekelık şaralar barysynda jol qozǧalysy erejelerın būzyp, basqa qatysuşylarǧa kedergı jasap, köşelerdı jauyp tastady»,-dedı IIM ÄPK-nıŋ erekşe tapsyrmalar jönındegı aǧa inspektory Aqtoty Boranova.
Osyǧan bailanysty polisiia qyzmetkerlerı zaŋǧa säikes şaralar qabyldauǧa mäjbür bolǧan. Mysaly 16 jeltoqsanda Şymkent jäne Almaty qalalarynda polisiia qyzmetkerlerı kölıkterge tu ılgen, alaida jol erejelerın būzǧan bırneşe kölıktı toqtatqan. Tekseru nätijesınde jürgızuşıler kölıktı basqaru qūqyǧynsyz jürgızgenı, apattyq jaǧdai tuǧyzǧany jäne kölıktı zaŋsyz jabdyqtaǧany üşın äkımşılık jauapkerşılıkke tartylǧan.
«Būl şaralardyŋ Memlekettık tudy paidalanuǧa qatysy joq. Almaty qalasynda polisiia qyzmetkerlerı de şarlarmen bezendırılgen qoǧamdyq kölıktıŋ jürgızuşısı men jolauşylaryna olardyŋ adam ömırı men densaulyǧyna qauıptı ekenın tüsındırdı. Sondai-aq kölıktı zaŋsyz toqtatuǧa bailanysty derekter tekserılude. Kınälı polisiia qyzmetkerlerı qataŋ tärtıptık jauapkerşılıkke tartylady. Polisiia memlekettık rämızderge qūrmetpen qaraidy jäne azamattardy Jol qozǧalysy erejelerın saqtauǧa, tek resmi mälımetter men aqparat közderıne senuge şaqyrady»,- dep tolyqtyrdy aǧa inspektor.
