Qaraturyn ken ornyndaǵy uńǵymadan shyqqan órtke baılanysty «Bozashy munaı» kompanııasyna 350 mıllıon teńge aıyppul salyndy, dep habarlaıdy "Adyrna" ulttyq portaly.
Ekologııa mınıstrliginiń málimetinshe, Mańǵystaý oblysynda atmosferalyq aýadaǵy lastaýshy zattardyń shekti ruqsat etilgen konentraııasynyń metan boıynsha 480 ese, munaı ónimderi boıynsha topyraqta 168,13 mg/kg artqany anyqtaldy. Berilgen ruqsat boıynsha uńǵymany burǵylaý 2024 jyly bastalýy kerek edi, biraq ol 2023 jyldyń mamyrynda bastaldy.
«Tekserý qorytyndysy boıynsha kásiporynǵa keltirilgen ekologııalyq zalaldy joıý, sondaı-aq qorshaǵan ortaǵa emıssııa normalaryn saqtaý boıynsha qalpyna keltirý baǵdarlamasyn ázirleý qajettigi týraly buıryq shyǵaryldy. Aldyn ala málimetter boıynsha tórt ákimshilik hattama toltyryldy. Esepteýler boıynsha aıyppul 350 mln teńgeden asady», - dep habarlady vedomstvodan.
Ekologııa mınıstrligi №303 uńǵyma 9 maýsymda órtenip, 2023 jyldyń 25 jeltoqsanynda sóndirilgenin eske saldy. Vedomstvonyń málimetinshe, órttiń uzaqtyǵy 200 kún bolǵan.
Jaqynda brıtandyq BBC teleradıokompanııasy bul metannyń shekten tys janyp ketýi boıynsha álemdegi ekinshi úlken oqıǵa ekenin málimdedi. Basylymnyń málimetinshe, 127 myń tonna gaz syrtqa shyǵyp, birneshe aı boıy órtke ulasqan. Jasandy metannyń janý aýqymy boıynsha birinshi orynda reseılik gazdyń Germanııaǵa ótetin Soltústik aǵyn 1 jáne Soltústik aǵyn 2 qubyrlarynyń 2022 jyly sý astyndaǵy jarylystary ataldy. Osy oqıǵanyń nátıjesinde atmosferaǵa shyǵaryndylar 230 myń tonna metanǵa baǵalanady.
