ماقساتى – ۇلى كۇيشى، كومپوزيتور قۇرمانعازى ساعىربايۇلىنىڭ مۇراسىن ناسيحاتتاۋ. «Open air: قۇرمانعازى». بۇل – الماتىدا ءوتىپ جاتقان بىرەگەي جوبا.
قوعامدىق دامۋ ورتالىعى مۇرىندىق بولعان جوبانىڭ باسى ايتىسپەن باستالدى. ول 4 باعىتتا ءوتتى. قىز بەن جىگىت ايتىسى، قالجىڭ ايتىس، شوۋ-ايتىس جانە جۇمباق ايتىس. داۋلەسكەر كۇيشىنىڭ مول مۇراسىن جاستار اراسىندا، قالا تۇرعىندارى مەن قوناقتارىنىڭ اراسىندا دارىپتەۋ ءۇشىن ءىس-شارا اشىق اسپان استىندا ۇيىمداستىرىلعان. ال قۇرمانعازى اتىنداعى قازاق ۇلتتىق كونسەرۆاتورياسىنىڭ الاڭىندا كەزەكتى كۇي تارتىس وتەدى.
«بۇل ءىس-شارانىڭ ماقساتى – اتا-بابامىزدان كەلە جاتقان ءداستۇرلى، قۇندى مۇراسىن كەيىنگى ۇرپاققا جەتكىزۋ», – دەدى جوبانىڭ اتقارۋشى پروديۋسەرى داستان ومىرزاق.
