ساپاردى ۇيىمداستىرۋعا الاتاۋ اۋدانى اكىمدىگى مۇرىندىق بولعان.
«ۇلتتىق قۇندىلىق – ەل قازىناسى». حالىق دانالىعىن ارقاۋ ەتكەن الماتىلىق قاريالار شەت مەملەكەتتە قازاقي بولمىستى دارىپتەدى. اقش-قا ارنايى اتتانعان الاتاۋ اۋدانىنىڭ ارداگەرلەرى 7 شتاتتا كونتسەرت بەردى، دەپ حابارلايدى الماتى تەلەارناسى.
ۇلتتىق كيىم كيىپ، قولدارىنا دومبىرا ۇستاپ، حالىق اندەرىن شىرقاعان اق جاۋلىقتى اجەلەر مەن اقساقالدار وزگە ەل ازاماتتارىن وسىلاي سالت-ءداستۇرىمىز بەن مادەنيەتىمىزگە ءتانتى ەتتى. اعا بۋىن وكىلدەرى امەريكانىڭ ءتۇرلى قوعامدىق ورىندارىن، ساياباقتارى مەن مەتروسىن ارالاپ، بي بيلەپ، شەتەلدىكتەردى ۇلتتىق ويۋ ورنەكپەن تانىستىردى. بۇل ساپاردىڭ نەگىزگى ماقساتى – ەلىمىزدى الەمگە پاش ەتىپ، قازاق حالقىنىڭ تەكتى، رۋحتى ەكەنىن كورسەتۋ.
ايتا كەتەيىك، اقش-تاعى ارنايى كونتسەرتكە 23 بەلسەندى قاريا قاتىستى. ارداگەرلەر كەڭەسىنىڭ مۇشەلەرى ساياحات الدىن الا جوسپارلانعانىن جانە وعان اۋداندىق بايقاۋدا ۇزدىك ونەر كورسەتكەن اتا-اجەلەر بارعانىن ايتتى. ساپاردى ۇيىمداستىرۋعا الاتاۋ اۋدانى اكىمدىگى مۇرىندىق بولعان. قاريالار يگى باستامانى داستۇرگە اينالدىرۋدى، كەلەر جىلى باسقا مەملەكەتتە ونەر كورسەتۋدى كوزدەپ وتىر.
تايمسكۆەرگە باردىق، سول جەردە كونتسەرت قويدىق. «بوستاندىق» ءمۇسىنىنىڭ الدىنا 3-4 ءتۇرلى ۇلتتىق كيىمدى اۋىستىرىپ تۇردىق. «ۇلكەن كىسىلەردى الىپ بارا جاتىرسىڭدار، قالاي بولادى، شىدامايدى عوي» دەدى. بىراق اللا كومەكتەستى، شىدادى. تاعى دا، مىنەكي، بارامىز دەپ تۇر، – دەدى الاتاۋ اۋداندىق ارداگەرلەر كەڭەسىنىڭ توراعاسى ساعاتوللا تاۋبالدى.
