Sapardy ūiymdastyruǧa Alatau audany äkımdıgı mūryndyq bolǧan.
«Ūlttyq qūndylyq – el qazynasy». Halyq danalyǧyn arqau etken almatylyq qariialar şet memlekette qazaqi bolmysty därıptedı. AQŞ-qa arnaiy attanǧan Alatau audanynyŋ ardagerlerı 7 ştatta konsert berdı, dep habarlaidy Almaty telearnasy.
Ūlttyq kiım kiıp, qoldaryna dombyra ūstap, halyq änderın şyrqaǧan aq jaulyqty äjeler men aqsaqaldar özge el azamattaryn osylai salt-dästürımız ben mädenietımızge täntı ettı. Aǧa buyn ökılderı Amerikanyŋ türlı qoǧamdyq oryndaryn, saiabaqtary men metrosyn aralap, bi bilep, şeteldıkterdı ūlttyq oiu örnekpen tanystyrdy. Būl sapardyŋ negızgı maqsaty – elımızdı älemge paş etıp, qazaq halqynyŋ tektı, ruhty ekenın körsetu.
Aita keteiık, AQŞ-taǧy arnaiy konsertke 23 belsendı qariia qatysty. Ardagerler keŋesınıŋ müşelerı saiahat aldyn ala josparlanǧanyn jäne oǧan audandyq baiqauda üzdık öner körsetken ata-äjeler barǧanyn aitty. Sapardy ūiymdastyruǧa Alatau audany äkımdıgı mūryndyq bolǧan. Qariialar igı bastamany dästürge ainaldyrudy, keler jyly basqa memlekette öner körsetudı közdep otyr.
Taimskverge bardyq, sol jerde konsert qoidyq. «Bostandyq» müsınınıŋ aldyna 3-4 türlı ūlttyq kiımdı auystyryp tūrdyq. «Ülken kısılerdı alyp bara jatyrsyŋdar, qalai bolady, şydamaidy ǧoi» dedı. Bıraq Alla kömektestı, şydady. Taǧy da, mıneki, baramyz dep tūr, – dedı Alatau audandyq ardagerler keŋesınıŋ töraǧasy Saǧatolla Taubaldy.
