18 jeltoqsanda Almatynyŋ barlyq audanynda jaŋa jyldyq şyrşanyŋ şamy bır uaqytta jaǧyldy. Negızgı merekelık ıs-şara Abai alaŋynda, Respublika saraiynyŋ aldynda öttı. Būl jerde biıktıgı 22 metr bolatyn qalanyŋ bas şyrşasy ornatyldy. Jaŋa jyl qarsaŋyndaǧy saltanatty räsımge Almaty äkımı Darhan Satybaldy men jüzdegen qala tūrǧyny qatysty.
Bas şyrşany bezendıruge 7 şaqyrymnan astam jaŋa jyldyq girliandalar, sondai-aq jarqyn sändık elementter, ülken jäne kışı şyrşa oiynşyqtary, taqyryptyq jaŋa jyldyq äşekeiler men jaryq keskındemelerı paidalanyldy.
Qala tūrǧyndary men qonaqtaryna zamanaui multimediialyq tehnologiialardy, auqymdy jaryq bezendırudı jäne qazaqstandyq estradanyŋ tanymal oryndauşylarynyŋ önerın bırıktırgen mazmūndy merekelık baǧdarlama ūsynyldy.
Qalanyŋ jaŋa jyldyq bas şyrşasynyŋ şamyn jaǧu räsımınıŋ aldynda Respublika saraiynyŋ qasbetınde ekı minuttyq lazerlık şou körsetıldı.
Ǧimarattyŋ qasbetınde Almatynyŋ özındık bolmysyn beineleitın auqymdy jaryq keskındemelerı körsetıldı. Körnekı beinelerde qalanyŋ tanymal simvoldary — taular, bürkıt beinesı, sondai-aq jaŋa jyldyq elementter qoldanyldy. Kompozisiiany jarqyn qar ūşqyndary, näzık jaryq örnekterı men dinamikalyq jaryq säulelerı tolyqtyryp, merekelık ärı saltanatty atmosfera qalyptastyrdy.
Baǧdarlamanyŋ taǧy bır basty bölıgı, jaryq şouyn äsem tolyqtyrǧan sahnalyq feierverk boldy, ol merekelık köŋıl küidı odan ärı küşeittı.
Körermenderge qazaqstandyq estrada jūldyzdary, şou-balet artisterı men mänerlep syrǧanauşylar oryndaǧan «Kel, Jaŋa jyl!» vokaldy-horeografiialyq kompozisiiasy ūsynyldy. Sondai-aq, sahnada Qazaqstannyŋ Halyq artisı Roza Rymbaeva, Äli Oqapov, Mädi Rymbaev, «KeşYOU», «Jıgıtter», «Astra» toptary, sondai-aq Baljan Bidaş pen Kodi öner körsettı.
Jaŋa jyldyq şyrşalardyŋ şamyn jaǧu saltanatty räsımderı qalanyŋ barlyq segız audanynda öttı. Merekelık alaŋdar kelesı mekenjailarda ornalasqan:
Jetısu audany — «Gülder» saiabaǧy (Serıkov köş., 2A)
Bostandyq audany — «Atakent» QYIO
Äuezov audany — Family Park
Medeu audany — 28 gvardiiaşy-panfilovşylar atyndaǧy saiabaq
Alatau audany — «Almaty Arena» sport keşenı
Nauryzbai audany — Şūǧyla şaǧynaudany, 347 (amfiteatr)
Türksıb audany — №6 Oquşylar üiı (Seifullin köş., 13/1)
Almaly audany — Abai atyndaǧy QazŪTOB
