Almatyda ǧylymi granttar baiqauy qorytyndylandy. Sonyŋ nätijesınde jalpy somasy 348 mln teŋge bolatyn grant 23 jobaǧa berıldı. Jeŋımpazdar qatarynda jer sılkınısın erte anyqtau, auanyŋ lastanuyn baqylau, jol qozǧalysy qauıpsızdıgın arttyru, qala infraqūrylymyn damytu jäne jasandy intellektını engızuge baǧyttalǧan jobalar bar. Üzdık joba avtorlaryna sertifikattar 11 qaraşada Almaty qalasy äkımdıgı janyndaǧy Ǧylym jäne tehnologiialar jönındegı keŋestıŋ otyrysynda tabystaldy. Būl turaly qalalyq Jastar saiasaty basqarmasynyŋ ökılderı aitty.
Ǧylymdy damytu jäne innovasiiany engızu jūmystary aiasynda mūndai baiqau alǧaş ret ūiymdastyryldy. Baiqauǧa barlyǧy 229 ötınım tüsken. Aldyn ala ırıkteuden keiın 191 joba kelesı kezeŋge öttı. Qatysuşylar bes aptalyq akselerasiialyq baǧdarlamadan ötıp, jobasyn jetıldırıp, sarapşylar komissiiasynyŋ aldynda qorǧady. Sonyŋ nätijesınde 23 ǧylymi äzırleme qarjylandyruǧa ie boldy.
Jeŋımpaz jobalardyŋ qatarynda seismikalyq qūbylystardy erte anyqtau jüiesı, avtokölık pen önerkäsıp oryndarynan şyǧatyn ziiandy qaldyqtardy tazartu tehnologiiasy, aua, su jäne topyraq sapasyn sifrlyq baqylau şeşımderı bar. Sonymen qatar ǧalymdar su aidyndaryn tazartuǧa arnalǧan arnaiy glaiderlerdı paidalanudy jäne 2-JEO men 3-JEO kül-qoj qaldyqtaryn qaita öŋdep, 3D basyp şyǧaru arqyly şaǧyn säulet nysandaryn jasaudy ūsyndy.
Qalany kögaldandyruǧa arnalǧan ekologiialyq taza, äserı ūzaqqa sozylatyn preparattar äzırlendı. Al taǧy bır joba allergendı ösımdıkterdı baqylauǧa baǧyttalǧan. Onyŋ kömegımen ösımdıkterdıŋ tozaŋ taratu kezeŋderı anyqtalyp, tūrǧyndarǧa allergiia qaupı turaly habarlanady.
Kölık salasynda qiylystardaǧy qozǧalysty beiımdep basqaruǧa arnalǧan SmartFlow jüiesı qoldau tapty. Būdan bölek, beinetaldau arqyly joǧalǧan adamdardy ızdeuge arnalǧan FaceAlert Almaty jüiesı, jedelsatylardyŋ qauıpsızdıgın sifrlyq baqylau platformasy jäne densaulyq saqtau salasyndaǧy jobalar da jeŋımpazdar qatarynan körındı.
Jeŋımpazdardy qalalyq mäslihat deputattary, QR Ūlttyq ǧylym akademiiasynyŋ ökılderı, ǧylymi qauymdastyq pen qoǧam ökılderı qatysqan konkurstyq komissiia anyqtady. Irıkteu kezınde zertteulerdıŋ jaŋaşyldyǧy, täjıribelık maŋyzy jäne qala şaruaşylyǧynda qoldanu mümkındıgı eskerıldı.
Sonymen qatar Ǧylym jäne tehnologiialar jönındegı keŋes otyrysynda äzırlemelerdı odan ärı qoldanysqa engızu mäselesı qaraldy. Atap aitqanda, jobalardy pilottyq rejimde synaqtan ötkızuge arnalǧan alaŋdar bölu, olardy bırlesıp qarjylandyruǧa biznestı tartu jäne jeŋımpazdar qataryna enbegen bolaşaǧy zor zertteulerge qoldau körsetu jaiy talqylandy.
Ǧylymi äzırlemelerdı qoldau Qazaqstan Prezidentı Qasym-Jomart Toqaevtyŋ ǧylymdy damytu jäne innovasiiany ekonomikaǧa engızu jönındegı tapsyrmalary aiasynda jüzege asyrylyp otyr.
Aita keteiık, ǧylymi qauymdastyq, memlekettık organdar men sarapşylar ökılderınıŋ basyn qosqan Ǧylym jäne tehnologiialar jönındegı keŋes Almaty qalasy äkımdıgı janynan 2024 jyly qūrylǧan.
