بۇگىن شىمكەنت قالاسىنىڭ اكىمى مۇرات ايتەنوۆ ۇوس ارداگەرلەرى ابىلاي قازىباەۆ، نينا ەگورقىزى موسۋنوۆا، مۇراتالى تولەپبەرگەنۇلىنىڭ شاڭىراقتارىنا ارنايى بارىپ، قارت مايدانگەرلەردى قۇتتىقتاپ قايتتى.
ارقايسىسى عاسىرعا جۋىق عۇمىر كەشكەن، ۇرپاق جادىندا وشپەستەي ءىز قالدىرعان ابىز قاريالارىمىزدىڭ ءومىر جولى ءبىر داستان.
جاستىق شاعىنىڭ ەڭ اياۋلى كۇندەرىن قيانكەسكى جورىققا ارناعان اتا-اپالارىمىزعا مۇرات دۇيسەنبەكۇلى قۇرمەت كورسەتىپ، ىزگى تىلەگىن جەتكىزدى. وتباسىنا كەلگەن قالا باسشىسىن جىلى شىرايمەن قارسى العان اڭىز اقساقالدارىمىز اق باتاسىن بەرىپ، بارشا شىمكەنتتىكتەرگە بەيبىت ءومىر مەن ەلىمىزگە جارقىن بولاشاق تىلەدى.
