پروكۋراتۋرا اقمولا وبلىسىنداعى بالالار لاگەرىن تەكسەرىپ جاتىر. تەكسەرىستىڭ انە-مىنە دەگەنشە الدىن الا ناتيجەلەرى دە جاريالاندى. قاداعالاۋ بارىسىندا بالالار لاگەرىندە سانيتارلىق-ەپيدەميولوگيالىق زاڭناما، ءورت قاۋىپسىزدىگى، ەڭبەك، ءبىلىم بەرۋ، مەديتسينالىق زاڭناما جانە ت.ب. تالاپتاردىڭ بۇزىلعانى انىقتالدى، دەپ حابارلايدى "ادىرنا" ۇلتتىق پورتالى.
اقمولا وبلىسى پروكۋراتۋراسىنىڭ 1 تامىز كۇنى تەكسەرىس ناتيجەسىن حابارلادى. باس پروكۋروردىڭ تاپسىرماسى بويىنشا بالالاردى ساۋىقتىرۋ ورتالىقتارى مەن لاگەرلەرگە كەشەندى تەكسەرۋلەر جۇرگىزگەن. تەكسەرۋ ناتيجەسىنىڭ كوڭىل كونشىتپەيتىنى ايتىلدى.ي
الدىمەن، بالالاردى ساۋىقتىرۋ ورتالىقتارىنىڭ بىرىندە 21 قىزمەتكەردىڭ 18-ءى جۇمىسقا ەڭبەك شارتىنسىز جانە سانيتارلىق كىتاپشاسىز الىنعانى انىقتالدى. كەيىننەن، لاگەر تالابىنا ساي 100 بالانىڭ ورنىنا 170 بالا قابىلدانعانى بەلگىلى بولدى. ۇشىنشىدەن، كەيبىر ساۋىقتىرۋ ورتالىقتارىنىڭ اكىمشىلىگى بالالاردى شومىلۋعا تىيىم سالىنعان ورىندارعا نۇسقاۋشىسىز اپارعانى مالىمدەلدى.
سونىمەن قاتار، اقمولا وبلىسىنىڭ پروكۋراتۋراسى بالالاردى ساۋىقتىرۋ ورتالىقتارىنان سپيرتتىك ىشىمدىكتەردىڭ بوس بوتەلكەلەرىن، شىلىم قوراپتارىن، پنەۆماتيكالىق قارۋ تاپقان.
"بالالاردى ساۋىقتىرۋ ورتالىقتارىنىڭ اۋماعى مەن ءۇي-جايلارىن تەكسەرۋ كەزىندە سپيرتتىك ىشىمدىكتەردىڭ بوس بوتەلكەلەرى، تەمەكى قوراپتارى، قۇرامىندا ءسپيرتى بار سۋسىنداردى وندىرۋگە ارنالعان اپپارات، پنەۆماتيكالىق قارۋ، بالالار لاگەرىنىڭ اس ءۇي ايماعىندا ساقتالعان تىشقاننىڭ ۋى جانە باسقا دا تىيىم سالىنعان زاتتار تابىلدى", – دەلىنگەن وبلىستىق پروكۋراتۋرانىڭ حابارلاماسىندا.قاداعالاۋشى ورگان قازىرگى ۋاقىتتا ءالى دە تەكسەرۋ ءىس-شارالارى ءجۇرىپ جاتقانىن ايتتى. تەكسەرۋ قورىتىندىسىنا ساي جانە ارنايى شارا قابىلداناتىنىن مالىمدەدى.
"ادىرنا" ۇلتتىق پورتالى
ۇقساس جاڭالىقتار
