Prokuratura Aqmola oblysyndaǧy balalar lagerın tekserıp jatyr. Tekserıstıŋ äne-mıne degenşe aldyn ala nätijelerı de jariialandy. Qadaǧalau barysynda balalar lagerınde sanitarlyq-epidemiologiialyq zaŋnama, ört qauıpsızdıgı, eŋbek, bılım beru, medisinalyq zaŋnama jäne t.b. talaptardyŋ būzylǧany anyqtaldy, dep habarlaidy "Adyrna" ūlttyq portaly.
Aqmola oblysy prokuraturasynyŋ 1 tamyz künı tekserıs nätijesın habarlady. Bas prokurordyŋ tapsyrmasy boiynşa balalardy sauyqtyru ortalyqtary men lagerlerge keşendı tekseruler jürgızgen. Tekseru nätijesınıŋ köŋıl könşıtpeitını aityldy.i
Aldymen, balalardy sauyqtyru ortalyqtarynyŋ bırınde 21 qyzmetkerdıŋ 18-ı jūmysqa eŋbek şartynsyz jäne sanitarlyq kıtapşasyz alynǧany anyqtaldy. Keiınnen, lager talabyna sai 100 balanyŋ ornyna 170 bala qabyldanǧany belgılı boldy. Üşınşıden, keibır sauyqtyru ortalyqtarynyŋ äkımşılıgı balalardy şomyluǧa tyiym salynǧan oryndarǧa nūsqauşysyz aparǧany mälımdeldı.
Sonymen qatar, Aqmola oblysynyŋ prokuraturasy balalardy sauyqtyru ortalyqtarynan spirttık ışımdıkterdıŋ bos bötelkelerın, şylym qoraptaryn, pnevmatikalyq qaru tapqan.
"Balalardy sauyqtyru ortalyqtarynyŋ aumaǧy men üi-jailaryn tekseru kezınde spirttık ışımdıkterdıŋ bos bötelkelerı, temekı qoraptary, qūramynda spirtı bar susyndardy öndıruge arnalǧan apparat, pnevmatikalyq qaru, balalar lagerınıŋ as üi aimaǧynda saqtalǧan tyşqannyŋ uy jäne basqa da tyiym salynǧan zattar tabyldy", – delıngen oblystyq prokuraturanyŋ habarlamasynda.Qadaǧalauşy organ qazırgı uaqytta älı de tekseru ıs-şaralary jürıp jatqanyn aitty. Tekseru qorytyndysyna sai jäne arnaiy şara qabyldanatynyn mälımdedı.
"Adyrna" ūlttyq portaly
Ūqsas jaŋalyqtar
