Oralda balalar lagerınde 10 jastaǧy bala soqqyǧa jyǧylǧan. Būl turaly jergılıktı Moi gorod basylymy jazdy, dep habarlaidy ”Adyrna” ūlttyq portaly.
Aqparatqa säikes, qala tūrǧyny 10 jastaǧy ūlyn äpkesımen bırge 10 mausymda «Atameken» balalar lagerıne jıbergen.
«Alǧaşqy künderı balalardy baryp körıp tūrdym, lagerde telefon qoldanuǧa tyiym salynǧan. Qalai bolǧanda da qyzym bır baladan telefon tauyp, 14 mausym künı maǧan qoŋyrau şalyp, bauyrynyŋ lagerde soqqyǧa jyqqanyn aitty. Keşke balalardy alyp kettım, olarǧa lager ūnamady dep oiladym. Sol kezde ūlymdy lager direktory özı şyǧaryp saldy. Üige kelgende ūlym denesındegı kögergen jerlerdı körsettı. Aiaqtarynda, qoldarynda jäne denesınde kögergen jerlerı boldy. Ol sportzal men dalada 8-10 bala jabylyp ūrǧanyn aitty. Balalardy kınälamaimyn – olar balalar ǧoi. Menıŋ sūraǧym lager basşylyǧyna, balalardy qabyldap, olarǧa qarauǧa mındettı bolǧan ministrlıkke: mūndai jaǧdai qalai oryn aldy? Qalaişa būǧan jol berdıŋızder?» - deidı balanyŋ äkesı.
15 mausym künı er adam ūlymen travmatologqa baryp, köptegen gematomalardy tırkep, polisiiaǧa aryz jazǧan. Aita keteiık, būl 15 mausymda boldy. Er adamnyŋ aituynşa, eşkım ıstı qozǧamaǧan. Tek advokat jaldaǧannan keiın ǧana ıs qozǧala bastady.
11 kün ötken soŋ, 26 mausym künı keşke poliseiler sot-medisinalyq saraptamaǧa joldama bergen.
«26 mausym künı keşke berdı, bız barǧanşa, saraptama 16.00-ge deiın jürgızıledı eken, ülgermedık. Kelesı künı öttık. Menıŋ tüsınuımşe, būl ıstı jabuǧa tyrysuda, menı eşqaida şaǧymdanbauǧa köndıruge tyrysqandar köp boldy», - deidı ol.
Osy arada BQO polisiia departamentınıŋ baspasöz qyzmetı būl oqiǧanyŋ 2024 jylǧy 15 mausymda Oral qalasynyŋ PB-de tırkelgenın habarlady. Būl ıs boiynşa polisiia qyzmetkerlerı kınälı tūlǧalardy jäne oqiǧanyŋ sebebın anyqtau boiynşa ıs-şaralar jürgızgen. Qazırgı uaqytta sot-medisinalyq saraptama taǧaiyndau turaly qauly şyǧarylyp, onyŋ qorytyndysy boiynşa osy oqiǧaǧa zaŋdy baǧa berıletını habarlandy. Tekserudı ūiymdastyru maqsatynda Oral qalasynyŋ Bılım bölımıne ūsynu engızılgen.
BQO Bılım basqarmasy da oqiǧaǧa tüsınıkteme berdı.
«Kämeletke tolmaǧandar arasynda tärbie jūmysyn tiıstı deŋgeide jürgızbegenı üşın otriad jetekşısıne jäne tärbieşıge tärtıptık jaza qoldanyldy. Jetekşı jūmystan şyǧaryldy. Oral qalalyq bılım bölımınıŋ būiryǧymen «Atameken» lagerınıŋ direktorynyŋ mındetın atqaruşyǧa qyzmettık mındetterın tiısınşe oryndamaǧany, jazǧy demalysty ūiymdastyru jäne balalardyŋ qauıpsızdıgın qamtamasyz etu kezınde ışkı tärtıp erejelerın būzǧany üşın «sögıs» türındegı tärtıptık jaza qoldanyldy, - delıngen habarlamada.
Ūqsas jaŋalyqtar
