مالالا يۋسۋفزاي دەگەن كىم؟ ونىڭ الەمگە تانىمال بولۋىنىڭ سىرى نەدە؟ قازاق وقىرمانىن قىزىقتىرعان بۇل سۇراقتاردىڭ جاۋابى «مەن مالالامىن» اتتى كىتاپتا كەيىپكەر اتىنان ەگجەي-تەگجەيلى باياندالادى. بۇل كىتاپ اعىلشىن تىلىنەن قازاق تىلىنە تۇڭعىش رەت اۋدارىلدى.
مالالا يۋسۋفزايدىڭ اسكەري ءتىلشى كريستينا لامبپەن بىرگە جازعان دەرەكتى ومىرباياندىق تۋىندىسى حالىقارالىق لاڭكەستىككە قارسى تۇرعان قارشاداي قىزدىڭ جۇرەك تەبىرەنتەرلىك ەرلىك حيكاياسىنان سىر شەرتەدى. مالالا يۋسۋفزاي – مەكتەپتەگى وقۋشى كەزىنەن الەمدەگى قىزداردىڭ قۇقى ءۇشىن، بارلىق بالانىڭ قاۋىپسىز ءبىلىم الۋى ءۇشىن كۇرەسكەن پاكىستاندىق قوعام بەلسەندىسى. وسى جولدا قانشاما قيىندىق كورسە دە، ومىرىنە قاستاندىق جاسالسا دا، العان بەتىنەن قايتپاعان قايسار قىزدىڭ ەرلىگى وتانسۇيگىشتىكتىڭ، ەلجاندىلىقتىڭ ۇلگىسى رەتىندە قۇرمەتكە لايىق.
بۇل كىتاپ – ءبىر ادامنىڭ الەمدى وزگەرتە الاتىنىنىڭ دالەلى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز