حالقىمىز انشىلەردى كوپ وقيدى عوي. سوڭعى كەزدە انشىلەردىڭ الەۋمەتتىك جەلىدەگى جازبالارىن پاراقتاپ وتىرامىن. ادەيى قاراپ شىعامىن. جالپى، ەلدىڭ ءبارى قىزىعىپ وقيتىن نە بار، نە ايتادى وسىلار دەپ.
1. سۋرەتكە تۇسەدى ەكەن. قازاقستاندا گوسترولدىك ساپارمەن جۇرگەن سۋرەتتەر، شەتەلدە دەمالىپ، قىدىرىپ جۇرگەن سۋرەتتەر.
2. "جۇما مۇباراك بولسىن جاماعات" دەگەن سۋرەتتەر سالادى ەكەن.
3. رەستورانعا بارعان كەزدەگى ىشكەن-جەگەنىن سالعان سۋرەتتەر. استىڭ ءتۇر-ءتۇرى بار.
4. پالەنشە دەگەن ءانشى، كومپوزيتور باۋىرىمىزدىڭ تۋعان كۇنى دەگەن سۋرەتتەر.
5. قالايسىزدار؟ نە جانالىق؟ الماتىدا كۇن جىلى. استانادا قالاي دەگەن سارىنداعى بىرسىدىرعى ۋاقىت ءولتىرۋ ءۇشىن يستوريالار سالادى.
6. تىكەلەي ەفيرگە شىعادى. اناۋ-مىناۋ بوس اڭگىمەلەردى قاۋجاپ وتىرادى. حالىقتىڭ "قالايسىز؟ جاقسىمىن" دەگەن سۇراقتارىنا جاۋاپ جازادى.
7. جارناما جاسايتىن ءوزى تۇسكەن روليكتەردى سالادى. اقشا تاباتىن بولۋى كەرەك. الگى قايرات ايتاتىن "سانتۋفەيدىىىڭ بيلەتتەرىن-اي"دەگەن سارىنداعى بىردەڭەلەر ۆووبششەم.
پريمەرنو وسى جەتى تاقىرىپتىڭ اينالاسى. باسقا ءىلىپ الار دىم جوق. مىسالى، ماعان قاجەت، مەنىڭ ءومىرىمدى وزگەرتەر، ءىلىپ الار نە بار وسىلاردىڭ ىشىندە؟؟؟ ال، قايرات تۇركيادا دەمالىپتى، ايەلىن قۇشاقتاپ سۋرەتكە ءتۇسىپتى ماعان نە ودان؟.. ءبىزدىڭ xالىقتىڭ ساناسى، بىرەۋدىڭ ومىرىنە قاراپ قىزىعاتىن، سونى ءوزارا اڭگىمە قىلاتىن، توقالى كىم، كىم-كىممەن جۇرەدى وسىنداي ۇساق تاقىرىپتاردى قاۋجايتىن دەگەيدە ەكەنى كورىنىپ تۇر. نۋ ۆوت قىزىق وسى ءبىزدىڭ xالىققا!
تاعى ءبىر بايقاعانىم، انشىلەر جۋرناليستەرگە سۇxبات بەرەردە قازاقشىل، ەلشىل، جەرشىل، پاتريوت سوزدەردى جاقسى ايتادى. بىراق، سول ەل مەن قازاقتىڭ ماسەلەسى شەشىلەتىن پرەزيدەنت سايلاۋى، استانا اتىنىڭ وزگەرۋى سەكىلدى ساياسي پروتسەستەرگە ءوز ازاماتتىق پىكىرىن بىلدىرمەيدى. مىسالى، ەلدەگى كەيبىر كوزى اشىق ازاماتتارىمىز داريعا بولماسىن. كەلەسى پرەزيدەنت كىم بولعانى ەلگە ءتيىمدى؟ قازاقستانداعى ءسوز بوستاندىعىنا قاتىستى ءوز ازاماتتىق پوزيتسياسىن ايتىپ، پىكىر ءبىلدىرىپ جاتادى عوي. انشىلەردە ول جوق. قىزىق دا؟! ەفيردەگى اڭگىمەسىن تىڭداساڭ ءبارى ەلشىل. بىراق، ەلدىك ماسەلە شەشىلەر ناقتى پروتسەستەرگە ازاماتتىق پىكىرىن بىلدىرمەيدى. ءۇن-ءتۇنسىز جاتادى. مەن الەۋمەتتىك جەلىدە ەسى دۇرىس اناليتيكا جازا بىلگەن ءانشىنىڭ پاراقشاسىن كورمەدىم. ءبارى ينستادا سۋرەت سالىپ، گۇل-گۇل جايناپ جۇرەدى. تەلەارناعا شىقسا ەلدىك سوزدەردى قينالىپ، ويلانىپ، مۇڭعا بەرىلىپ وتىرىپ ءبىر سۇxبات بەرەدى دە ناقتى ەلدىك ماسەلە شەشىلىپ جاتقان ساياسي پروتسەستەردە سۋرەت سالىپ، توي-تومالاقتا جۇرەدى. الدە، ويىن اشىق ايتسا ەرتەڭ سايلاۋدا وتەتىن كونتسەرتتەرگە، مەملەكەتتىك مەرەكەلەرگە شاقىرتۋ، زاكاز الا الماي قالامىن دەپ ويلايدى ما؟ ولاي ويلايتىن بولسا ونىڭ جۋرناليستەردىڭ الدىندا مۇڭعا بەرىلىپ وتىرىپ ايتاتىن ەلدىك اڭگىمەسى قايدا؟ ەكرانعا ءبىر رەت وسىلاي وبراز جاساپ قويىپ كەيىن ينستاگرامنىڭ دەڭگەيىنە قايتا تۇسەدى مە؟
مەنىڭ ويىمشا، ءبىز xالىققا ءانشى-بيشىلەردى تىم ارتىق جارنامالاپ، جۋرناليستەردىڭ ورنىنا ەكرانعا دەيىن شىعارىپ، كوبىكتەردەن ۇلكەن كۋمير جاساپ بەردىك. ساياسي ساناسى مەن مادەنيەتى ءالى وركەنيەتتى ەلدەرگە جەتە قويماعان xالقىمىز وسىعان شىنىمەن سەنەدى. ەلگە تانىمال انشىدەن ينستادا تىكەلەي ەفيردە ءبىر جاۋاپ السا 1-2 اپتا باقىتتان باسى اينالىپ جۇرەتىن قوعامىمىز بار دەڭگەيگە تۇستىك. حالىق شىنايى وزىنە كەرەك اقپاراتتاردى وقىپ، كەرەك ەمەسىن ءسۇزىپ لاقتىرىپ الىپ تاستايتىن دەڭگەيگە شىقپاسا ساۋاتتى ازاماتتىق قوعامنىڭ جاقىن ارادا قالىپتاسا قويۋى ەكىتالاي...
باۋىرجان سەرىكباەۆ
