بۇگىن قر پرەزيدەنتى جانىنداعى وكق بريفينگىندە مەملەكەتتىك قىزمەت ىستەرى اگەنتتىگىنىڭ توراعاسى دارحان جازىقباەۆ پرەزيدەنتتىك جاستار كادر رەزەرۆىنە كەزەكتى ىرىكتەۋدىڭ ەرەكشەلىكتەرى تۋرالى ايتتى.
اگەنتتىك توراعاسىنىڭ ايتۋىنشا، ءۇشىنشى ىرىكتەۋدىڭ ەرەكشەلىگى مەملەكەتتىك اپپاراتتىڭ سالالىق كادرلارعا قاجەتتىلىگىن ەسكەرە وتىرىپ، ماقساتتى ىرىكتەۋ جۇرگىزۋ بولماق. وسىلايشا، كەزەكتى ىرىكتەۋ 6 نەگىزگى سالا بويىنشا جۇزەگە اسىرىلادى:
سونداي-اق بيىل ۇمىتكەرلەرمەن اڭگىمەلەسۋدى مىندەتتى تۇردە سالالىق ورتالىق ورگاندار وكىلدەرىنىڭ قاتىسۋىمەن وتكىزۋ تاجىريبەسى ەنگىزىلۋدە.
تالاپتارعا سايكەس، ىرىكتەۋگە جاسى 35-تەن اسپاعان، جوعارى ءبىلىمى جانە 5 جىل جالپى جۇمىس تاجىريبەسى بار، مەملەكەتتىك ءتىلدى ۆ1 دەڭگەيىنەن تومەن ەمەس مەڭگەرگەن قازاقستان رەسپۋبليكاسىنىڭ ازاماتى قاتىسا الادى.
پرەزيدەنتتىك جاستار كادر رەزەرۆىنىڭ مۇشەسى بولۋ ءۇشىن ۇمىتكەرلەر 6 كەزەڭنەن تۇراتىن كەشەندى ىرىكتەۋدەن ءوتۋى ءتيىس.
ءبىرىنشى كەزەڭ – رەزەرۆكە ىرىكتەۋگە قاتىسۋ ءۇشىن كانديداتتاردىڭ قۇجاتتارىن قابىلداۋ. ول 2023 جىلدىڭ 1-30 قىركۇيەگى ارالىعىندا pkrezerv.gov.kz ارنايى اقپاراتتىق جۇيەسىندە جانە ونلاين رەجيمدە جۇزەگە اسىرىلادى. ىرىكتەۋ وبەكتيۆتىلىگىن قامتاماسىز ەتۋ ءۇشىن كانديداتتاردىڭ دەرەكتەرى جەكە ءنومىر بەرۋ ارقىلى جاسىرىلادى. باعالاۋشىلار ءۇشىن ۇمىتكەردىڭ كىم ەكەندىگى بەيمالىم بولادى.
ەكىنشى كەزەڭ – ماتىندىك جانە ساندىق اقپاراتپەن جۇمىس ىستەۋ قابىلەتىن باعالاۋدان تۇرادى. مقىا باسشىسى اتاپ وتكەندەي، تەستىلەۋ پروتسەسى اۋديو-بەينە فيكساتسيامەن ءوتىپ، ءوز بەتىنشە ءوتۋ شارتىنىڭ ساقتالۋىن قامتاماسىز ەتۋ پروكتورينگ جۇيەسىمەن قاداعالاناتىن بولادى.
ءۇشىنشى كەزەڭ – سيتۋاتسيالىق تاپسىرمالاردى شەشۋ. بۇل كەزەڭ ۇمىتكەرلەردىڭ تاڭداعان سالالىق باعىتتارىنا بايلانىستى سيتۋاتسيالىق تاپسىرمالار تۇرىندەگى ناقتى پروبلەمالاردى شەشۋگە دەگەن كوزقاراسىن باعالاۋعا باعىتتالعان. اتالعان كەزەڭ ونلاين-رەجيمدە اۋديو-بەينە جازبامەن سۇيەمەلدەنىپ، ەسسە جازۋ فورماتىندا جۇرگىزىلەدى.
«ورىندالعان تاپسىرمانىڭ شەشىمى قىزمەتتىڭ ءتيىستى باعىتتارى بويىنشا ءبىر ۋاقىتتا ءۇش سالالىق ساراپشىمەن باعالانادى. ساراپشىلار پۋلى اكادەميالىق ورتا مەن بيزنەس قاۋىمداستىق وكىلدەرىن، مەملەكەتتىك قىزمەتشىلەردى قامتيدى»، – دەدى دارحان جازىقباەۆ.
ءتورتىنشى كەزەڭ – اسسەسسمەنت-ورتالىعى مەن قۇزىرەتتەر بويىنشا سۇحبات. اسسەسسمەنت-ورتالىق پرەزيدەنت جانىنداعى مەملەكەتتىك باسقارۋ اكادەمياسىنىڭ بازاسىندا وفلاين فورماتتا وتەدى. ول مىنەز-قۇلىق ينديكاتورلارى ارقىلى كانديداتتاردىڭ بويىنداعى بەلگىلەنگەن قۇزىرەتتەردى انىقتاۋعا جانە باعالاۋعا باعىتتالعان.
كانديداتتاردىڭ مىنەزىن باعالاۋ توپتىق جانە جەكە تاپسىرمالاردان تۇرادى. جالپى قۇزىرەتتەردى باعالاۋعا كەمىندە 15 سەرتيفيكاتتالعان باعالاۋشى جانە 5 سۋپەرۆيزور تارتىلاتىن بولادى.
ءوز كەزەگىندە، قۇزىرەتتەر بويىنشا سۇحبات بلوگى كاسىبي HR-مەنەدجەرلەرىن تارتا وتىرىپ، ونلاين فورماتتاعى جەكە تەرەڭ سۇحبات تۇرىندە وتكىزىلەدى. سۇحبات كانديداتتاردىڭ ىشكى ۋاجدەمەسىن جانە قۇندىلىق باعدارلارىن ايقىندايتىن قۇزىرەتتەردى انىقتاۋعا باعىتتالادى.
بەسىنشى كەزەڭ – ساراپشىلىق كوميسسياسىندا كانديداتتارمەن اڭگىمەلەسۋ. ونىڭ قۇرامىنا مەملەكەتتىك ورگانداردىڭ باسشىلارى تارتىلاتىن بولادى. كوميسسيا قورىتىندىسى بويىنشا ۇلتتىق كوميسسيا وتىرىسىندا قاراۋعا ۇسىنىلاتىن قاتىسۋشىلاردىڭ ءتىزىمى جاسالادى.
التىنشى، سوڭعى كەزەڭدە – ۇلتتىق كوميسسيانىڭ وتىرىسى ءوتىپ، پرەزيدەنتتىك جاستار كادر رەزەرۆىنە ۇزدىك 50 كانديدات قابىلدانادى.
پجكر تالاپتارىنا سايكەس رەزەرۆكە الىنعان ادامدار زاڭنامادا بەلگىلەنگەن تارتىپپەن مەملەكەتتىك ساياسي لاۋازىمدارعا، «ا» كورپۋسىنىڭ مەملەكەتتىك اكىمشىلىك لاۋازىمدارىنا، «ب» كورپۋسىنىڭ باسشىلىق جانە ا ساناتتار توبىنىڭ لاۋازىمدارىنا تاعايىندالۋى مۇمكىن.
دارحان جازىقباەۆتىڭ ايتۋىنشا، اگەنتتىك ىرىكتەۋدىڭ بارىنشا اشىقتىعى مەن وبەكتيۆتىلىگىن قامتاماسىز ەتۋگە باعىتتالعان. كانديداتتاردى باعالاۋ ناتيجەلەرى ولاردىڭ جەكە كابينەتىندە جانە كەزەڭ قورىتىندىسى بويىنشا pkrezerv.gov.kz جاريالانىپ، بارلىق ازاماتتار ءۇشىن قاتىسۋشىلار تۋرالى اقپارات قولجەتىمدى بولادى.
بريفينگ سوڭىندا مقىا توراعاسى جاستاردى ىرىكتەۋگە بەلسەندى قاتىسۋعا شاقىرىپ، كاسىبي مەملەكەتتىك قىزمەتشىلەردىڭ جاڭا لەگىن قالىپتاستىرۋ ماڭىزدىلىعىنا توقتالدى.
اتاپ ءوتۋ كەرەك،2019 جانە 2021 جىلدارىرەزەرۆكە الىنعان 350 ادامنىڭ 264-ءى مەملەكەتتىك ورگاندار مەن كۆازيمەملەكەتتىك سەكتور ۇيىمدارىندا جۇمىس ىستەيدى، ياعني جالپى ساننىڭ 75%-ى جۇمىسقا ورنالاستىرىلدى.
ولاردىڭ ىشىندە 128 ادام ورتالىق مەملەكەتتىك ورگانداردا، 38 ادام جەرگىلىكتى اتقارۋشى ورگانداردا، 57 ادام ۇلتتىق كومپانيالاردا، 41 ادام ادام وزگە دە ۇيىمداردا قىزمەت اتقارۋدا. سونداي-اق ولاردىڭ قاتارىندا 31 رەزەرۆشى ساياسي لاۋازىمدارعا، 6 رەزەرۆشى «ا» كورپۋسىنىڭ لاۋازىمدارىنا تاعايىندالسا، ءبىر رەزەرۆيست ءماجىلىس پارلامەنتى جانە 2 رەزەرۆيست ءماسليحات دەپۋتاتى بولىپ قىزمەت اتقارۋدا.
قر مقىا ءباسپاسوز قىزمەتى
