Bügın QR Prezidentı janyndaǧy OKQ brifingınde Memlekettık qyzmet ısterı agenttıgınıŋ töraǧasy Darhan Jazyqbaev Prezidenttık jastar kadr rezervıne kezektı ırıkteudıŋ erekşelıkterı turaly aitty.
Agenttık töraǧasynyŋ aituynşa, üşınşı ırıkteudıŋ erekşelıgı memlekettık apparattyŋ salalyq kadrlarǧa qajettılıgın eskere otyryp, maqsatty ırıkteu jürgızu bolmaq. Osylaişa, kezektı ırıkteu 6 negızgı sala boiynşa jüzege asyrylady:
Sondai-aq biyl ümıtkerlermen äŋgımelesudı mındettı türde salalyq ortalyq organdar ökılderınıŋ qatysuymen ötkızu täjıribesı engızılude.
Talaptarǧa säikes, ırıkteuge jasy 35-ten aspaǧan, joǧary bılımı jäne 5 jyl jalpy jūmys täjıribesı bar, memlekettık tıldı V1 deŋgeiınen tömen emes meŋgergen Qazaqstan Respublikasynyŋ azamaty qatysa alady.
Prezidenttık jastar kadr rezervınıŋ müşesı bolu üşın ümıtkerler 6 kezeŋnen tūratyn keşendı ırıkteuden ötuı tiıs.
Bırınşı kezeŋ – rezervke ırıkteuge qatysu üşın kandidattardyŋ qūjattaryn qabyldau. Ol 2023 jyldyŋ 1-30 qyrküiegı aralyǧynda pkrezerv.gov.kz arnaiy aqparattyq jüiesınde jäne onlain rejimde jüzege asyrylady. Irıkteu obektivtılıgın qamtamasyz etu üşın kandidattardyŋ derekterı jeke nömır beru arqyly jasyrylady. Baǧalauşylar üşın ümıtkerdıŋ kım ekendıgı beimälım bolady.
Ekınşı kezeŋ – mätındık jäne sandyq aqparatpen jūmys ısteu qabıletın baǧalaudan tūrady. MQIA basşysy atap ötkendei, testıleu prosesı audio-beine fiksasiiamen ötıp, öz betınşe ötu şartynyŋ saqtaluyn qamtamasyz etu proktoring jüiesımen qadaǧalanatyn bolady.
Üşınşı kezeŋ – situasiialyq tapsyrmalardy şeşu. Būl kezeŋ ümıtkerlerdıŋ taŋdaǧan salalyq baǧyttaryna bailanysty situasiialyq tapsyrmalar türındegı naqty problemalardy şeşuge degen közqarasyn baǧalauǧa baǧyttalǧan. Atalǧan kezeŋ onlain-rejimde audio-beine jazbamen süiemeldenıp, esse jazu formatynda jürgızıledı.
«Oryndalǧan tapsyrmanyŋ şeşımı qyzmettıŋ tiıstı baǧyttary boiynşa bır uaqytta üş salalyq sarapşymen baǧalanady. Sarapşylar puly akademiialyq orta men biznes qauymdastyq ökılderın, memlekettık qyzmetşılerdı qamtidy», – dedı Darhan Jazyqbaev.
Törtınşı kezeŋ – assessment-ortalyǧy men qūzyretter boiynşa sūhbat. Assessment-ortalyq Prezident janyndaǧy memlekettık basqaru akademiiasynyŋ bazasynda oflain formatta ötedı. Ol mınez-qūlyq indikatorlary arqyly kandidattardyŋ boiyndaǧy belgılengen qūzyretterdı anyqtauǧa jäne baǧalauǧa baǧyttalǧan.
Kandidattardyŋ mınezın baǧalau toptyq jäne jeke tapsyrmalardan tūrady. Jalpy qūzyretterdı baǧalauǧa kemınde 15 sertifikattalǧan baǧalauşy jäne 5 supervizor tartylatyn bolady.
Öz kezegınde, qūzyretter boiynşa sūhbat blogy käsıbi HR-menedjerlerın tarta otyryp, onlain formattaǧy jeke tereŋ sūhbat türınde ötkızıledı. Sūhbat kandidattardyŋ ışkı uäjdemesın jäne qūndylyq baǧdarlaryn aiqyndaityn qūzyretterdı anyqtauǧa baǧyttalady.
Besınşı kezeŋ – sarapşylyq komissiiasynda kandidattarmen äŋgımelesu. Onyŋ qūramyna memlekettık organdardyŋ basşylary tartylatyn bolady. Komissiia qorytyndysy boiynşa Ūlttyq komissiia otyrysynda qarauǧa ūsynylatyn qatysuşylardyŋ tızımı jasalady.
Altynşy, soŋǧy kezeŋde – Ūlttyq komissiianyŋ otyrysy ötıp, Prezidenttık jastar kadr rezervıne üzdık 50 kandidat qabyldanady.
PJKR talaptaryna säikes Rezervke alynǧan adamdar zaŋnamada belgılengen tärtıppen memlekettık saiasi lauazymdarǧa, «A» korpusynyŋ memlekettık äkımşılık lauazymdaryna, «B» korpusynyŋ basşylyq jäne A sanattar tobynyŋ lauazymdaryna taǧaiyndaluy mümkın.
Darhan Jazyqbaevtyŋ aituynşa, Agenttık ırıkteudıŋ barynşa aşyqtyǧy men obektivtılıgın qamtamasyz etuge baǧyttalǧan. Kandidattardy baǧalau nätijelerı olardyŋ jeke kabinetınde jäne kezeŋ qorytyndysy boiynşa pkrezerv.gov.kz jariialanyp, barlyq azamattar üşın qatysuşylar turaly aqparat qoljetımdı bolady.
Brifing soŋynda MQIA töraǧasy jastardy ırıkteuge belsendı qatysuǧa şaqyryp, käsıbi memlekettık qyzmetşılerdıŋ jaŋa legın qalyptastyru maŋyzdylyǧyna toqtaldy.
Atap ötu kerek,2019 jäne 2021 jyldaryrezervke alynǧan 350 adamnyŋ 264-ı memlekettık organdar men kvazimemlekettık sektor ūiymdarynda jūmys ısteidı, iaǧni jalpy sannyŋ 75%-y jūmysqa ornalastyryldy.
Olardyŋ ışınde 128 adam ortalyq memlekettık organdarda, 38 adam jergılıktı atqaruşy organdarda, 57 adam ūlttyq kompaniialarda, 41 adam adam özge de ūiymdarda qyzmet atqaruda. Sondai-aq olardyŋ qatarynda 31 rezervşı saiasi lauazymdarǧa, 6 rezervşı «A» korpusynyŋ lauazymdaryna taǧaiyndalsa, bır rezervist Mäjılıs Parlamentı jäne 2 rezervist mäslihat deputaty bolyp qyzmet atqaruda.
QR MQIA Baspasöz qyzmetı
